ჩოხატაურის საარჩევნო ოლქში 39 საარჩევნო უბანი იყო გახსნილი და ამომრჩეველთა საერთო რაოდენობა 17 879 ამომრჩეველს შეადგენდა.
ჩვენ მიერ მოპოვებული ინფორმაციით, ამომრჩეველთა აქტივობამ 64.22% შეადგინა. 10 საათისთვის უბნებზე ამომრჩეველთა 9.13% იყო მისული; 12 საათზე – 23.33%; 15 საათზე – 44.84%; 17 საათზე – 53.75%, ხოლო 20 საათზე – 64.22%. ოლქში არჩევნებში 11481-მა ამომრჩეველმა მიიღო მონაწილეობა.
ოზურგეთში 36 019 ამომრჩეველმა დააფიქსირა თავისი პოზიცია და აქტივობის მაჩვენებელი 59.53%-ია. სულ ოზურგეთის საარჩევნო ოლქში 60 502 ამომრჩეველია დარეგისტრირებული.
რაც შეეხება ლანჩხუთს; თვითმმართველობის არჩევნებზე ლანჩხუთში რეგისტრირებული ამომრჩევლის 58.98%-მა მიიღო მონაწილეობა. სულ ლანჩხუთის #61 საარჩევნო ოლქში 28 432 ამომრჩეველია რეგისტრირებული. აქედან, არჩევნებზე 16 769 ამომრჩეველი გამოცხადდა.
ამდენად, გურიაში ამომრჩეველთა აქტივობა ასეთია: ჩოხატაურში – 64.22%; ოზურგეთში- 59.53%, ხოლო ლანჩუთში – 58.98%.
