ამერიკელმა სამხედროებმა სირიის ჩრდილოეთ-დასავლეთში ავიადარტყმების შედეგად ტერორისტული დაჯგუფება „ალ-ქაიდას“ ერთ-ერთი ლიდერი მოკლეს, _ ამის შესახებ ინფორმაციას აშშ-ს შეიარაღებული ძალების ცენტრალური სარდლობა (CENTCOM) ავრცელებს.
„სირიის ჩრდილოეთ-დასავლეთ ნაწილში ავიადარტყმის შედეგად ლიკვიდირებულია „ალ-ქაიდას“ ერთ-ერთი ლიდერი აბდულ ჰამიდ ალ-მატარი. მშვიდობიან მოსახლეობას შორის მსხვერპლის შესახებ ინფორმაცია ამ ეტაპზე არ არსებობს. ავიადარტყმა უპილოტო საფრენი აპარატის ,,MQ-9” საშუალებით განხორციელდა“, – აცხადებენ CENTCOM-ში.
შეიარაღებული ძალების ცენტრალური სარდლობის თქმით, „ალ-ქაიდა“ კვლავ წარმოადგენს საფრთხეს ამერიკისა და მისი მოკავშირეებისთვის.
,,ალ-ქაიდა აგრძელებს საფრთხის შექმნას ამერიკისა და ჩვენი მოკავშირეებისთვის. ალ-ქაიდა სირიას იყენებს როგორც თავშესაფარს აღმშენებლობის, გარე პარტნიორებთან კოორდინაციისა და გარე ოპერაციების დაგეგმვისთვის. ალ-ქაიდა ასევე იყენებს სირიას, როგორც უსაფრთხოების ბაზას სირიაში, ერაყსა და მის ფარგლებს გარეთ. ალ-ქაიდას უფროსი ლიდერის ლიკვიდაცია შეაფერხებს ტერორისტული ორგანიზაციის შესაძლებლობას შემდგომი შეთქმულების განხორციელებისა და გლობალური თავდასხმების განხორციელებისთვის, რაც ემუქრება აშშ-ს მოქალაქეებს, ჩვენს პარტნიორებს და უდანაშაულო მშვიდობიან მოსახლეობას.“ – აღნიშნეს ცენტრალურ სარდლობაში.
CENTCOM – მა, ასევე აღნიშნა, რომ აშშ გააგრძელებს ალ-ქაიდას და სხვა ტერორისტული ორგანიზაციების წევრების განადგურებას, რომლებიც აპირებენ ზიანი მიაყენონ აშშ-ს.
[sexy_author_bio]
