ცოტა ხნის წინ ბუნების დაცვის საერთაშორისო კავშირმა გადაშენების ზღვარზე მყოფი ცხოველების განახლებული სია გამოაქვეყნა.
„წითელ წიგნში“ შესული ცვლილებები IUCN-ს საერთაშორისო კონგრესზე, მარსელში გაჟღერდა. სპეციალისტებმა ცხოველთა 138 374 სახეობა შეისწავლეს და დაადგინეს, რომ 38 543 (28%) გადაშენების ზღვარზეა.
„წითელ წიგნში“ მოხვდა მსოფლიოს ყველაზე დიდი ხვლიკი – კომოდოს ვარანი. IUCN-ში აცხადებენ, რომ კლიმატის ცვლილებისა და ტემპერატურის მატების გამო მომდევნო 45 წლის განმავლობაში მათი ბინადრობის არეალი სულ მცირე კიდევ 30%-ით შემცირდება. ამასთან, ვარანებს საფრთხეს კაცობრიობის საქმიანობაც უქმნის.
კაცობრიობის ქმედებების მსხვერპლი ასევე ზვიგენები და სკაროსები გახდნენ. ამ ოჯახის სახეობების 37% გადაშენების ზღვარზეა. 2014 წელს ეს მაჩვენებელი 24%-ს შეადგენდა.
თუმცა, არიან ცხოველები, რომლებმაც პოპულაციის აღდგენა მოახერხეს. ასეთია თინუსი. ამ თევზის შვიდი სახეობიდან ოთხის პოპულაცია გაიზარდა.
[sexy_author_bio]
