ევროკავშირის თავშესაფრის სააგენტოს (EUAA) მონაცემებით, ბოლო 5 წელიწადში, 2021 წელს ევროკავშირში თავშესაფრის მაძიებელთა რაოდენობა ყველაზე მაღალია.
მონაცემების თანახმად, 2021 წლის ნოემბერში EU+-ში საერთაშორისო დაცვის შესახებ 71 400-მდე განაცხადი შევიდა. ნოემბრის მონაცემები ოქტომბერთან შედარებით 9%-ით მეტია და უტოლდება 2021 წლის სექტემბრის პიკურ მაჩვენებელს, რომელიც 2016 წლის ე.წ. მიგრაციის კრიზისის შემდეგ, ყველაზე მეტი იყო.
2021 წლს ნოემბერში ევროკავშირში თავშესაფრის მოთხოვნით ყველაზე მეტი განაცხადი ავღანელებმა შეიტანეს, მეორე ადგილზე არიან სირიელები, მესამეზე კი ერაყელები. თავშესაფრის მაძიებელთა მნიშვნელოვანი ზრდა დაფიქსირდა ვენესუელის, პაკისტანისა და კოლუმბიის მოქალაქეების მხრიდან.
ევროკავშირის+ ქვეყნების თავშესაფრის უფლებამოსილმა ხელისუფლებამ ნოემბერში გამოსცა დაახლოებით 45 500 პირველი ინსტანციის გადაწყვეტილება, რაც სტაბილურია ოქტომბრიდან, მაგრამ მნიშვნელოვნად ჩამორჩება განაცხადების რაოდენობას.
ნოემბერში EU+-ის აღიარების მაჩვენებელი 40% იყო. აღიარების მაჩვენებლები ყველაზე მაღალი იყო ავღანელებისთვის (92%), სირიელებისთვის (91%) და ერითრეელებისთვის (87%).
ნოემბრის ბოლოს პირველ ინსტანციაში 431 000 საქმე იყო განხილული. მათგან მხოლოდ ნახევარზე მეტი ექვს თვემდე იყო მოცდის მოლოდინში.
მონაცემების თანახმად, ათეულში ასევე შედის ბანგლადეში, საქართველო და სომალი.
2021 წლის ნოემბერში თავშესაფრის მოთხოვნაზე განაცხადი საქართველოს 1 680-მა მოქალაქემ შეიტანა.
ევროკავშირში თავშესაფრის მაძიებელთა ათეულში ასე გამოიყურება: ავღანეთი, სირია, ერაყი, ვენესუელა, პაკისტანი, თურქეთი, კოლუმბია, ბანგლადეში, საქართველო, სომალი.
