,,უკრაინელმა სამხედროებმა, ლუგანსკის ოლქის ქალაქ შჩასტიაზე თავდასხმა მოიგერიეს. დაიღუპა 50 რუსი მებრძოლი“ – ინფორმაციას სააგენტო ukrinform უკრაინის სტრატეგიული კომუნიკაციებისა და ინფორმაციის უსაფრთხოების ცენტრზე დაყრდნობით ავრცელებს.
“ქალაქი შჩასტია (ლუგანსკის ოლქი), რომელსაც თავს დაესხა რუსი აგრესორი, აღდგენილია. თავდასხმის მცდელობისას ტექნიკა განადგურდა და 50-მდე მტერი დაიღუპა”, – წერია განცხადებაში.
გამოცემა წერს, რომ უკრაინის სახელმწიფო საზღვარს რუსეთის ფედერაციისა და ბელორუსის რესპუბლიკის მახლობლად მდებარე მონაკვეთებზე დაესხნენ თავს ბელორუსის მხარდაჭერილი რუსული ჯარები. სასაზღვრო დანაყოფებზე, სასაზღვრო პატრულებსა და საგუშაგოებზე თავდასხმები ხორციელდება არტილერიის, მძიმე ტექნიკის და მცირე იარაღის გამოყენებით ლუგანსკის, სუმის, ხარკოვის, ჩერნიგოვისა და ჟიტომირის რაიონებში.
გარდა ამისა, თავდასხმა ხორციელდება დონეცკისა და ლუგანსკის რეგიონების დროებით ოკუპირებული ტერიტორიებიდან და ყირიმის ავტონომიური რესპუბლიკიდან. შეინიშნება მტრის დივერსიული და სადაზვერვო ჯგუფების აქტიურობაც. მესაზღვრეებს შორის დაღუპულების შესახებ ინფორმაცია ზუსტდება.
შეგახსენებთ, რომ დღეს, 24 თებერვალს, დილის 5:00 საათზე, რუსეთის ფედერაციის შეიარაღებულმა ძალებმა დაიწყეს უკრაინის შეიარაღებული ძალების ქვედანაყოფების ინტენსიური დაბომბვა.
[sexy_author_bio]
