უკრაინის პრეზიდენტმა ვოლოდიმირ ზელენსკიმ მკაცრი შეფასება მისცა ნატო-ს გადაწყვეტილებას, არ დაკეტოს უკრაინის ცა, _ იუწყება www.unian.net.
“დღეს გაიმართა ნატო-ს სამიტი. სუსტი სამიტი, დაბნეული სამიტი, რომელზეც გამოჩნდა, რომ ყველას არ მიაჩნია ევროპის თავისუფლებისთვის ბრძოლა ნომერ პირველ მიზნად.
მეცხრე დღეა, ჩვენ სასტიკ ომს ვაწარმოებთ, ინგრევა ჩვენი ქალაქები, ცეცხლის ქვეშაა საცხოვრებელი კვარტლები, ეკლესიები, სკოლები, ხალხი, ბავშვები… ანადგურებენ ყველაფერს, ადამიანების სიცოცხლეს და ამის გაგრძელებას კიდევ აპირებენ.
იცის, რომ ახალი დარტყმები და მსხვერპლი გარდაუვალია, ნატო-მ შეგნებულად მიიღო გადაწყვეტილება, არ დაკეტოს უკრაინის ცა.
ვფიქრობთ, რომ ნატო-ს ქვეყნებმა თვითონვე შექმნეს ნარატივი, რომ თითქოს, უკრაინის ცის დაკეტვა გამოწვევს რუსეთის პირდაპირ აგრესიას ნატო-ს წინააღმდეგ. ეს თვითჰიპნოზია იმათთვის, ვინც სუსტია, არაა დარწმუნებული საკუთარ თავში, მიუხედავად იმისა, რომ ჩვენზე ბევრჯერ ძლიერი და უკეთესი შეიარაღება აქვს.
რაზე ფიქრობდით სხდომაზე? რომელი ადამიანებიც დღეის შემდეგ დაიღუპებიან, დაიღუპებიან თქვენს გამო, თქვენი სისუსტის გამო”, _ მიმართა ზელენსკიმ ნატო-ს.
მისი თქმით, რასაც სამიტზე ალიანსმა მიაღწია, არის ის, რომ უკრაინას 50 ტონა დიზელის საწვავი გამოუყო:
“ალბათ, იმისთვის, რომ ბუდაპეშტის მემორანდუმი დავწვათ. ის უკვე დაიწვა რუსული არმიის ცეცხლში.
ეს გინდოდათ?! ასეთ ალიანსს აშენებდით?! დღეს თქვენ მწვანე შუქი აუნთეთ უკრაინის ქალაქების და სოფლების შემდგომ დაბომბვას _ თქვენ შეგეძლოთ ცის დაკეტვა. რამდენიმე ლიტრი საწვავით თქვენ ვერ გამოისყიდით ჩვენს ლიტრობით სისხლს.
ჩვენ დავიცავთ ჩვენს ქვეყანას, გავათავისუფლებთ ჩვენს მიწას. ჩვენი გმირები თავდადებით”, _ თქვა ზელენსკიმ.
