დიდი ბრიტანეთის გაერთიანებული სამეფოს დასაქმების ტრიბუნალის მოსამართლემ გადაწყვიტა, რომ კაცისთვის მელოტის დაძახება სექსუალურ შევიწროვებად შეიძლება ჩაითვალოს. ამის შესახებ cnbc წერს.
ტრიბუნალის სამმა წევრმა, რომლებმაც გადაწყვეტილება მიიღო, ისაუბრა თმის ცვენის საკუთარ გამოცდილებაზე და აღნიშნა, რომ სიმელოტე უფრო გავრცელებულია მამაკაცებში, ვიდრე ქალებში. ამიტომ, ისინი ამტკიცებენ, რომ სიტყვა ,,მელოტი“ შეურაცხყოფის სახით გამოყენება სქესს უკავშირდება.
1995 წლის საქმეზე დაყრდნობით, ტრიბუნალმა მამაკაცისთვის მელოტის დაძახება ქალის მკერდის ზომაზე აქცენტს შეადარა.
გადაწყვეტილება, რომელიც გამოქვეყნდა მიღებულ იქნა საქმეზე, როდესაც შეურაცხყოფა გამოიყენეს ტონი ფინის წინააღმდეგ, როდესაც ის მუშაობდა ბრიტანულ კომპანია Bung Manufacturing Company-ში ელექტრიკოსად.
ტონი ფინი თითქმის 24 წელი მუშაობდა კომპანიაში, რომელიც აწარმოებს ხის კასრებს ლუდის მრეწველობისთვის, იორკშირში, ინგლისის ჩრდილო-აღმოსავლეთში. ის სამსახურიდან გასულ წელს გაათავისუფლეს და მისი გათავისუფლების გარემოებებიც საქმის ნაწილი იყო. ფინის მტკიცებით, მას სამსახურში “მელოტ ძუკნას” ეძახდნენ და ასევე, იყო მუქარის მსხვერპლი მისი ცვლის ხელმძღვანელი ჯეიმი კინგისგან.
ტრიბუნალმა დაადგინა, რომ ამ შეურაცხყოფის გამოყენება “მოსარჩელის ღირსების შელახვას წარმოადგენდა და ქმნიდა დამაშინებელ გარემოს, ეს იყო მიზანმიმართული და მოსარჩელის სქესთან დაკავშირებული”.
ტრიბუნალის წევრებმა, ასევე განაცხადეს, რომ პრობლემა არ იყო უხამსი სიტყვების გამოყენება. ფინმა, ასევე აღმოაჩინა, რომ გამოიყენებდა ასეთ ენას სამუშაო ადგილზე: ”თუმცა, როგორც ჩვენ აღმოვაჩინეთ, ინდუსტრიული ენა ჩვეულებრივი იყო დასავლეთ იორკშირის ქარხანაში. ჩვენი აზრით, ბატონმა კინგმა ზღვარი გადალახა მოსარჩელის მიმართ მისი გარეგნობის გამო.
ფინი კომპენსაციას მიიღებს ტრიბუნალის გადაწყვეტილებით, თუმცა თანხა ჯერ არ იყო განსაზღვრული.
ავტორი
