ესპანეთი მზად არის უკრაინას საზენიტო-სარაკეტო სისტემები და Leopard საბრძოლო ტანკები მიაწოდოს – ამის შესახებ ესპანური გამოცემა El Pais სამთავრობო წყაროებზე დაყრდნობით წერს.
„სამთავრობო წყაროების მიხედვით, ესპანეთი მზადაა ხარისხობრივი ნახტომი გააკეთოს უკრაინის სამხედრო მხარდაჭერის მიმართულებით რუსული შემოჭრის წინააღმდეგ. მაშინ როცა აქამდე მას აწვდიდა საბრძოლო მასალას, პერსონალურ დამცავ აღჭურვილობას და მსუბუქ იარაღს (S-90 ყუმბარმტყორცნები ან ტყვიამფრქვევები). მძიმე იარაღის მიწოდებისთვის ემზადება“, – ნათქვამია სტატიაში.
გამოცემის ცნობით, ესპანეთის თავდაცვის სამინისტრო უკვე ახორციელებს კიევში მოკლე დისტანციის საზენიტო-სარაკეტო სისტემების ბატარეის Shorad Aspide-ის მიწოდებას, რომელიც ესპანურმა არმიამ სხვა, უფრო მოწინავე სისტემით ჩაანაცვლა.
სისტემის გადაზიდვა, რომელიც წარმოებულია ევროპული სარაკეტო კომპანიის MBDA-ს მიერ, ელოდება მოლაპარაკებების დასრულებას შტუტგარტში სპეციალური ჯგუფთან, რომელიც პასუხისმგებელია უკრაინის სამხედრო დახმარების კოორდინაციაზე.
ესპანეთის მთავრობა ასევე მზადაა მიაწოდოს უკრაინას Leopard A4 საბრძოლო ტანკები, რომლებიც ათი წელია რეზერვში იმყოფებიან სარაგოსაში ესპანეთის არმიის ბაზაზე.
ეს ტანკები არის 108 მეორადი ერთეულის ჯგუფის ნაწილი, რომელიც გერმანიამ მიყიდა ესპანეთს 1995 წელს, ესპანეთში ლეოპარდის აშენების კონტრაქტის წინ.
თავდაცვის წყაროების ვარაუდით, შესაძლებელია დაახლოებით 40 მანქანის რეაბილიტაცია და მიწოდება უკრაინის არმიისთვის, მაგრამ ისინი აფრთხილებენ, რომ ეს მოითხოვსვინდუსტრიის მიერ მათ დარეგულირებას.
გარდა ამისა, ესპანეთმა შესთავაზა უკრაინას გადაამზადებდა სამხედროებს, საბრძოლო ტანკების მართვაში. სწავლება, კონსულტირებული წყაროების თანახმად, თავდაპირველად ლატვიაში ჩატარდება, სადაც ესპანეთის არმიამ ნატოს გაძლიერებული ყოფნის (EFP) ოპერაციის ფარგლებში განათავსა 500 ჯარისკაცის კონტინგენტი ექვსი ლეოპარდ 2E ტანკით.
მეორე ეტაპზე უკრაინული ტანკერების წვრთნა უკვე ესპანეთის ტერიტორიაზე განხორციელდება, დასძენს იგივე წყაროები. ეს პროგრამა საშუალებას მისცემს დააჩქაროს კიევის არმიის მომზადების გეგმები, რათა აღიჭურვოს მძლავრი საბრძოლო ტანკები, რომლებითაც უნდა დაუპირისპირდეს თანამედროვე რუსულ T-90-ს.
ავტორი
