“დოჟდი” მაუწყებლობას საქართველოშიც დაიწყებს

ტელეარხ “დოჟდის”, მთავარი რედაქტორი ტიხონ ძიადკო წერს, რომ არხმა ევროპული მაუწყებლობის ლიცენზია მიიღო და დაგეგმილი აქვთ მაუწყებლობის გაფართოება სხვადასხვა ქვეყანაში, მათ შორის საქართველოში.

“დოჟდმა” მიიღო ევროპული მაუწყებლობის ლიცენზია. 9 ივნისს მაუწყებლობას ვერ დავიწყებთ, თუმცა ეს მოხდება ძალიან მალე, როცა მზად ვიქნებით. ბევრი გეგმა გვაქვს: ვგეგმავთ მაუწყებლობას სხვადასხვა სტუდიებიდან – ლიეტუვაში, ნიდერლანდებში, საფრანგეთსა და საქართველოში. დავიწყოთ მცირედით და თანდათან გავაფართოოთ საჰაერო ქსელი. ძალიან გვენატრებოდით და იმედია თქვენც მოგენატრეთ”, – წერს ტიხონ ძიადკო.