უკრაინის პრეზიდენტი ვოლოდიმირ ზელენსკი, რუსეთის მიერ უკრაინის ტერიტორიის ანექსიის შესაჩერებლად დასავლეთის ქვეყნებს რუსეთის ყველა მოქალაქეებისთვის საზღვრების ჩაკეტვისკენ მოუწოდებს. ამის შესახებ მან The Washington Post-თან ინტერვიუში ისაუბრა.
“რუსეთის ყველა მოქალაქე სამშობლოში უნდა დაბრუნდეს და მიმდინარე მოვლენებზე თავისი წილი პასუხისმგებლობა ჰქონდეს, რადგან, პუტინი მათი არჩეულია და ისინი ამ რეჟიმს არ ებრძვიან”, – თქვა ზელენსკიმ.
უკრაინის პრეზიდენტის თქმით, რუსეთისთვის საკმარისი არაა დასავლეთის მიერ დაწესებული სანქციები და საზღვრების ჩაკეტვა ახლა საკმარისი იქნება.
“ყველაზე მთავარი სანქცია საზღვრების ჩაკეტვაა… რადგან რუსები სხვის მიწებს იტაცებენ. დაე, იცხოვრონ თავიანთ სამყაროში, სანამ საკუთარ ფილოსოფიას არ შეცვლიან.
რანაირი რუსიც არ უნდა იყოს, აიძულეთ ისინი, რომ რუსეთში წავიდნენ. მაშინ მიხვდებიან. ახლა ისინი ამბობენ – ამ ომს ჩვენთან კავშირი არ აქვს. მთელი მოსახლეობა პასუხისმგებელი ვერ იქნება, ეს შესაძლებელია? – დიახ, შესაძლებელია. მოსახლეობამ აირჩია ეს მთავრობა და ისინი მას არ ებრძვიან, არ ეჩხუბებიან და არ უყვირიან. არ გინდათ ეს იზოლაცია? თქვენ ეუბნებით მთელ მსოფლიოს, რომ ყველამ თქვენი წესებით უნდა იცხოვროს. ხოდა, წადით და რუსეთში იცხოვრეთ, ეს პუტინზე ზემოქმედებისთვის ერთადერთი გზაა”,- ამბობს ზელენსკი.
ავტორი
