სისხლის ცუდი მიმოქცევა არის საერთო პრობლემა, რასაც შეუძლია დიდად იმოქმედოს თქვენს საერთო კეთილდღეობაზე და თუ მკურნალობა დროულად არ ჩატარდა, შეიძლება გამოიწვიოს სერიოზული გართულებები, როგორიცაა ინსულტი, სისხლის შედედება და გულის უკმარისობა. მიუხედავად იმისა, რომ ცუდი ცირკულაცია ხშირად შეიძლება მოხდეს, განსაკუთრებით 40 წელზე უფროსი ასაკის ადამიანებში, არსებობს გზები, რამაც შეიძლება შეამციროს მისი გავითარების რისკი.
Eat This Not That ესაუბრა ჯანდაცვის სფეროს ექსპერტებს, იმის შესახებ თუ რატომ ხდება სისხლის ცუდი ცირკულაცია და რა არის გამაფრთხილებელი სიგნალები, რომლებსაც ადამიანებმა ყურადღება უნდა მიაქციონ, მით უფრო იმ შემთხვევაში თუ კორონავირუსი აქვთ გადატანილი.
დოქტორი ბაიო კარი-ვინჩელი, სასწრაფო დახმარების სამედიცინო დირექტორი და ექიმი, Carbon Health და Saint Mary’s Hospital ამბობს: „უბრალოდ რომ ვთქვათ, თქვენი სხეული მასზეა დამოკიდებული. ამის გარეშე თქვენი სხეული ვერ მიიღებს ჟანგბადით მდიდარ სისხლს“.
დოქტორი კარი ვინჩელი: “არსებობს რამდენიმე რამ, რამაც შეიძლება გამოიწვიოს ცუდი მიმოქცევა. ხშირად ეს დაავადება გამოწვეულია ქრონიკული ჯანმრთელობის მდგომარეობის გამო, რომელიც ამცირებს სისხლის ნაკადს მთელ სხეულში. მნიშვნელოვანია გვახსოვდეს ცუდი მიმოქცევა (სისხლის ნაკადის შემცირება) არის პასუხი მდგომარეობაზე ან დაავადებაზე. მის სამკურნალოდ, თქვენ უნდა გაარკვიოთ, რატომ ხდება ეს. საუკეთესო რამ არის მიმართოთ ჯანდაცვის პროვაიდერს შეფასებისთვის, რომელიც დაგეხმარებათ მიზეზის იდენტიფიცირებაში.”
კულდიპ სინგჰ, მედიცინის დოქტორი, სტეიტენ აილენდის საუნივერსიტეტო საავადმყოფოს სისხლძარღვთა ქირურგიის ასოცირებული ხელმძღვანელი დასძენს, რომ “ცუდი სისხლის მიმოქცევა ხდება დროთა განმავლობაში ასაკთან ერთად, ასევე შეიძლება გამოიწვიოს მოწევამ, დიაბეტმა, თირკმელების დისფუნქციამ.”
დოქტორი კარი ვინჩელი ამბობს: ” ყველაზე გავრცელებული სიმპტომია დაბუჟება (გრძნობის/გრძნობის დაკარგვა), ჩხვლეტა, კანის ცვლილებები, ტკივილი და წყლულები, რომლებიც ნელ-ნელა ხორცდება. აღსანიშნავი მდგომარეობაა რეინოს დაავადება, რომელიც იწვევს სისხლძარღვების შეზღუდვას (დავიწროებას), რასაც თან ახლავს ტკივილი და ფერის შეცვლა (ყველაზე ხშირად) ცხვირზე, ყურებზე, ხელებსა და ტერფებზე.
დოქტორი სინგჰ ამბობს: “შეიძლება განვითარდეს ტკივილი ფეხებში, მუცელში და გულში. შეიძლება ინსულტიც კი განიცადო, რადგან ცუდი მიმოქცევა შეიძლება გავლენა იქონიოს სისხლძარღვებზე, რომლებიც ამარაგებენ თქვენს ტვინს.”
დოქტორი კარი- ვინჩელი აღნიშნავს, რომ “მას შემდეგ, რაც ჯანდაცვის პროვაიდერი დაადგენს ცუდი ცირკულაციის მიზეზებს, შეიძლება პაციენტს დაენიშნოს სპეციალური ვარჯიშები, კომპრესიული წინდები, მედიკამენტები ან ქირურგიული ჩარევაც კი გახდეს საჭირო, მაგალითად, რეინოს შემთხვევაში”.
დოქტორი სინგჰი გვირჩევს: “უპირველეს ყოვლისა, შეწყვიტეთ მოწევა. ეწვიეთ სისხლძარღვთა ქირურგს, რომელსაც შეუძლია შეამოწმოს თქვენი არტერიები და ვენები. დაიკელით წონა და აკონტროლეთ დიაბეტი.”
დოქტორი კარი-ვინჩელი ამბობს: „თქვენ შეიძლება განიცადოთ სხვადასხვა სიმპტომები, როგორიცაა მგრძნობელობის დაკარგვა, ტემპერატურის ცვლილება, (სიცივე), კრუნჩხვები, თმის ცვენა, კანის ცვლილებები, როგორიცაა (პრიალა ან მბზინავი გარეგნობა ან წყლულები) კიდურებზე, როგორიცაა თითები, ხელები, მკლავები, ფეხები, ფეხის თითები. მამაკაცებს შეიძლება უჭირდეთ ერექცია.” დოქტორი სინგჰი ამბობს: “გაგივითარდებათ ტკივილი დასვენებისას ან აქტივობის დროს. განვითარდება ჰიპერტენზია. განვითარდება თავბრუსხვევა და მხედველობის ცვლილებები. შეიძლება განვითარდეს ტკივილი გულმკერდის არეში.”
