14 სექტემბერს, ოზურგეთის ცენტრალურ ბიბლიოთეკაში საგარეო საქმეთა სამინისტროს ნატოსა და ევროკავშირის შესახებ, საინფორმაციო ცენტრის ორგანიზებით, ოზურგეთის საჯარო სკოლების პედაგოგებისთვის შეხვედრა შედგა.
აქ მომხსენებლად მოწვეული იყო, „სამხედრო ჟურნალისტთა ასოციაციის“ დამფუძნებელი, ჟურნალისტი და სამხედრო ექსპერტი გიორგი ცხვიტავა. მან საინტერესოდ ისაუბრა ნატო – საქართველოს ურთიერთობებსა და არსებული თანამშრომლობის მნიშვნელობაზე, ჩრდილო-ატლანტიკური ალიანსის ღია კარის პოლიტიკასა და ნატო-საქართველოს თანამშრომლობის მიღწევებზე. ითქვა, რომ საქართველოს ჩრდილო-ატლანტიკურ ალიანსში გაწევრიანებას და აქედან გამომდინარე , ქვეყნის მომავლის დიდ პერსპექტივას ალტერნატივა არ აქვს.
შეხვედრას მოდერაცია გაუწია საინფორმაციო ცენტრის გურიის რეგიონული ბიუროს წარმომადგენელმა ირაკლი პაპავამ.
მან მონაწილეებს გააცნო საინფორმაციო ცენტრის საქმიანობის ძირითადი მიმართულებები და ხაზი გაუსვა ქვეყნის მთავარი საგარეო პრიორიტეტების შესახებ, საზოგადოების გაცნობიერებულ მხარდაჭერას.
შეხვედრის დასასრულს ყველა მონაწილეს საინფორმაციო ცენტრის მასალები გადაეცათ.
შეხვედრა ამერიკის შეერთებული შტატების სახელმწიფო დეპარტამენტის მიერ დაფინანსებული პროექტის „დასავლური ინტეგრაციის შესახებ ინფორმირებულობისა და ჩართულობის გაზრდა საქართველოს რეგიონებში“ ფარგლებში გაიმართა, რომელსაც საინფორმაციო ცენტრი ნატოსა და ევროკავშირის შესახებ, საქართველოში აშშ-ს საელჩოსთან ერთად ახორციელებს.
ავტორი
