რუსეთის პატრიარქმა კირილემ აღმოსავლეთ ასურეთის ეკლესიის კათოლიკოს-პატრიარქთან მარ ავა III-თან შეხვედრაზე განაცხადა, რომ ევროკავშირში არ შეუშვეს – ამის შესახებ რია ნოვოსტი წერს.
მან, ამ გადაწყვეტილებას უპრეცედენტო უწოდა.
„მიღებული იქნა უპრეცედენტო გადაწყვეტილება: არ შეუშვან პატრიარქი ევროკავშირის ტერიტორიაზე. ეს არც ცივი ომის დროს არ მომხდარა. ჩნდება კითხვა: რატომ? თუ ისინი მართლები არიან და მე ვცდები, დამპატიჟეთ ტელევიზიაში, შემომიერთდით დიალოგში, დაამტკიცეთ თქვენი საქმე, ამის ეშინიათ, რადგან მათ ამის ეშინიათ, რადგან სიმართლე ჩვენს მხარეზეა და არა მათი. მათ ძალიან სუსტი პოზიცია აქვთ – ზოგადად, იზოლაციონიზმის პოზიცია ყოველთვის სუსტია და ჩვენ ღია ვართ მათთან კომუნიკაციისთვის, მათთან ვინც გვიყვარს და ვინც არ გვიყვარს“, – განაცხადა პატრიარქმა კირილემ.
მისი თქმით, ცივი ომის დროს შეერთებულ შტატებსა და საბჭოთა კავშირს შორის ნაკლები შეთანხმება იყო, ვიდრე ახლა, ”მაგრამ კონტაქტები არ იყო შეზღუდული, მათ შორის ქრისტიანული კავშირები.
,,ჩვენი დელეგაციები მიდიოდნენ შეერთებულ შტატებში, ამერიკელები ჩამოდიოდნენ ჩვენთან. განვიხილავდით, თეოლოგიურ და პოლიტიკურ თემებს. სრულიად განსხვავებული სურათია.
დასავლეთი ცდილობს შეზღუდოს ჩვენი ეკლესიის კონტაქტები დასავლელ პარტნიორებთან. მნიშვნელოვანი ძალისხმევა კეთდება, რათა შეზღუდონ ჩვენი ეკლესიის შესაძლებლობა, იყოს დიალოგი დასავლურ ეკლესიებთან”, – აღნიშნა რუსეთის პატრიარქმა.
ცნობისთვის, პატრიარქი კირილი პუტინთან დაახლოებული პირია, მან ომის დაწყების შემდეგ არაერთხელ გაამართლა უკრაინაზე თავდასხმა.
ივნისის დასაწყისში რუსეთის პატრიარქი კირილე ევროკავშირის სანქციების მეექვსე პაკეტში მოხვდა.
ავტორი
