,,ჩვენს ხანმოკლე ურთიერთობებში იყო ბევრი შეცდომა, ჩვენგანაც, საქართველოსგანაც, როდესაც არასაკმარისი ძალისხმევა გვქონდა, არასაკმარისი დემოკრატია გვქონდა იმისთვის, რომ დაგვემსახურებინა ევროპაში ინტეგრაცია, მაგრამ იყო ბევრი შეცდომა ევროკავშირის მხრიდანაც ნამდვილად,“ – განაცხადა “ქართული ოცნების” დეპუტატმა, ბექა დავითულიანმა პარლამენტში პლენარული სხდომისას.
მისი თქმით, სრულიად უსაფუძვლოდ კანდიდატის სტატუსზე გვითხრეს უარი ცოტა ხნის წინ და გადაგვივადეს ჩვენი მეგობარი ორი ქვეყნისგან განსხვავებით
,,რა თქმა უნდა, ვადასტურებ და ყველა თქვენგანი ვინც ამ დარბაზში ზის მეთანხმება, რომ დღეს ევროკავშირი არის ჩვენი იდენტობის და გადარჩენის უალტერნატივო გზა. სხვა გზა ამ ქვეყანას არ გააჩნია. ჩვენს ხანმოკლე ურთიერთობებში იყო ბევრი შეცდომა, ჩვენგანაც, საქართველოსგანაც, როდესაც არასაკმარისი ძალისხმევა გვქონდა, არასაკმარისი დემოკრატია გვქონდა იმისთვის, რომ დაგვემსახურებინა ევროპაში ინტეგრაცია, მაგრამ იყო ბევრი შეცდომა ევროკავშირის მხრიდანაც ნამდვილად. არ დავიწყებ ახლა ბევრის მოყოლას, 1921 წელს როდესაც საბჭოთა რუსეთს შეგვატოვეს მორიგი გეოპოლიტიკური გადანაწილებისას, ესეც იყო ჩვენს ისტორიაში, აგვისტოს ომის მერე, რუსეთის დასჯის ნაცვლად, რუსეთთან გადატვირთვის პოლიტიკას რომ მიემხრნენ. სრულიად უსაფუძვლოდ კანდიდატის სტატუსზე გვითხრეს უარი აგერ ცოტა ხნის წინ და გადაგვივადეს ჩვენი მეგობარი ორი ქვეყნისგან განსხვავებით და ახლაც უსამართლობაა ზოგიერთ ევროპელი პოლიტიკოსისგან, მიხეილ სააკაშვილის გათავისუფლებასა და ევროინტეგრაციას შორის ტოლობის ნიშანი ისმევა. მაგრამ, ეს რა თქმა უნდა არ ნიშნავს იმას, რომ ჩვენ რაიმე სხვა ალტერნატივა გაგვაჩნია,” – განაცხადა დავითულიანმა.
ავტორი
