რუსეთის საგარეო საქმეთა სამინისტროს პრესსპიკერის, მარია ზახაროვას თქმით, “აბსოლუტურად მიუღებელია” დასავლეთის მხრიდან საქართველოს საქმეებში ჩარევისა და შიდა სიტუაციის ცვლილების მცდელობები.
ზახაროვა ამტკიცებს, რომ დასავლეთი ამ ყველაფერს არასამთავრობო ორგანიზაციებისა და საზოგადო მოღვაწეების დახმარებით აკეთებს.
„აბსოლუტურად მიუღებელია ასეთი უხეში მცდელობები არა მხოლოდ ჩარევის, არამედ სიტუაციის შიგნიდან ცვლილების, შესაბამისი ინსტიტუტების მეშვეობით – მათ ყველა კარგად იცნობს – ე.წ. არასამთავრობო ორგანიზაციები, ე.წ. პირდაპირ გარედან. ეგრეთ წოდებული საზოგადო მოღვაწეები, მრავალი თვალსაზრისით, ეს ყველაფერი პირდაპირ გარედან არის მიმართული”, – თქვა ზახაროვამ პროექტ “მრავალპოლარულობაში” მიცემულ ინტერვიუში.
მისი თქმით, ეს არის „ბანალური, პრიმიტიული“ გზები სიტუაციის გარედან ზემოქმედების, ამ მცდელობებს შეუძლიათ გავლენა მოახდინონ რეგიონის უსაფრთხოებასა და სტაბილურობაზე,
„ცხადია, ეს რეგიონი ისტორიულად არის სფერო, რომელიც რატომღაც დასავლეთის ქვეყნები განიხილავენ თავიანთი ექსკლუზიური ინტერესების ზონად და მიაჩნიათ, რომ მათ შეუძლიათ აბსოლუტურად უგულებელყოთ ის ფაქტი, რომ ეს არ ეხება მათ ტერიტორიებს, არა მათ, როგორც მათ ეჩვენებათ, კოლონიებზე, პროტექტორატულ ზონებზე, არამედ ამ ეტაპზე თანამედროვე, ახალგაზრდა დემოკრატიულ სახელმწიფოზე”, – აღნიშნა ზახაროვამ.
ზახაროვას განმარტებით, რუსეთს ესმის, რომ ჩვენ ვსაუბრობთ ქვეყანაზე, რომელიც აშენებს თავის სახელმწიფოებრიობას ახალ ისტორიულ რეალობაზე დაყრდნობით.
ავტორი
