“სამწუხაროდ, ჩვენც გვაქვს აშკარად აბსურდული სიახლეები” – ზელენსკი

“სამწუხაროდ, ჩვენც გვაქვს აშკარად აბსურდული და დესტრუქციული სიახლეები. დღეს გაეროს უშიშროების საბჭოს თავმჯდომარეობა ტერორისტულმა სახელმწიფომ აიღო.

გუშინ რუსულმა არმიამ მოკლა კიდევ ერთი უკრაინელი ბავშვი – ხუთი თვის ბიჭი, დანიილი ერქვა… და ამავდროულად, რუსეთი თავმჯდომარეობს გაეროს უშიშროების საბჭოს.

ძნელი წარმოსადგენია ისეთი რამ, რაც უფრო ადასტურებს ასეთი დაწესებულებების სრულ გაკოტრებას. არ არსებობს ტერორის ისეთი ფორმა, რომელიც ჯერ არ განხორციელებულა რუსეთის მიერ. და არ იქნება ისეთი მიზეზი, რომელიც შეაჩერებს გლობალური ინსტიტუტების, კერძოდ გაეროს უშიშროების საბჭოს რეფორმას. რეფორმა, რომელიც აშკარად დაგვიანებულია – ისე, რომ ტერორისტულმა სახელმწიფომ და ნებისმიერმა სახელმწიფომ, რომელსაც სურს იყოს ტერორისტი, ვერ გაანადგუროს მსოფლიო.

ტერორისტებმა უნდა წააგონ, ისინი უნდა იყვნენ პასუხისმგებელი ტერორზე და არა სადმე თავმჯდომარეობდნენ“,_ განაცხადა ზელენსკიმ.

ცნობისთვის, რუსეთი გაეროს უშიშროების საბჭოს თავმჯდომარე ქვეყანა ერთი თვით იქნება.