30 აპრილს, ჩოხატაურის ბორის პაიჭაძის სახელობის ცენტრალურ სტადიონზე მონადირე ძაღლების გამოფენა გაიმართა, რომელიც ყოველწლიურად ტარდება.
გამოფენაზე წარმოდგენილი იყო როგორც მეძებრები, ასევე, მდევრები: ინგლისური, ირლანდიური, შოტლანდიური სეტერი, დრაჰაარი, კურცჰაარი, ბრეტონული ეპანიოლი, რუსული მდევარი, ანგლორუსული მდევარი და ჭრელი მდევარი. ჯამში, 127 ძაღლი, რომლებიც ხუთი ექსპერტის მიერ ფასდებოდნენ.
გამარჯვებულებს გადაეცათ ძაღლისთვის საჭირო ინვენტარი და საკვები, ასევე, მუნიციპალიტეტის მერიამ ხუთ საუკეთესო ძაღლს გადასცა ფულადი ჯილდო 500 ლარის ოდენობით, ესენი იყვნენ: 3 რუსული მდევარი, ინგლისური სეტერი და რუსული ჭრელი.
_ გამოფენა მოეწყო სანადირო მეძაღლეობის, ძაღლით ნადირობის მოყვარულთა საზოგადოების და მონადირეთა კლუბ „ძამას“ ეგიდით. წარმოდგენილნი იყვნენ მონადირე ძაღლები, ჯამში, 127 ძაღლი, რომლებიც 5 ექსპერტის მიერ ფასდებოდნენ. ესენი იყვნენ: კლუბის თავმჯდომარე დავით ცხვედიანი, რამაზ მათიაშვილი, ჯაბა მენთეთაშვილი, ლევან მელაძე და ალექსანდრე მიშელაშვილი.
ყველა ძაღლს ინდივიდუალურად ეძლეოდა შეფასება. რინგის გამარჯვებული ხდება საველე დიპლომიანი ძაღლი, ანუ შეფასება ხდებოდა კომპლექსურად, ყველა ჯიშში გამოვლინდა გამარჯვებული და გადაეცათ ძაღლისთვის საჭირო ინვენტარი და საკვები. ასევე, მერიამ ხუთ საუკეთესო ძაღლს გადასცა 500 ლარი ჯილდოდ, _ გვითხრა მონადირეთა ჯგუფ „ძამას“ წევრმა _ გაგა ყაჭეიშვილმა.
ავტორი
