რეჯეფ თაიფ ერდოღანის მთავარმა კონკურენტმა, თურქეთის საპრეზიდენტო არჩევნებში ოპოზიციის ერთიანი კანდიდატი ქემალ ქილიჩდაროღლუ Reuters -სთან ინტერვიუში ამბობს, რომ მის პარტიას (სახალხო-რესპუბლიკური) კონკრეტული მტკიცებულება აქვს, როგორ ერევა რუსეთი თურქეთის საპრეზიდენტო არჩევნებში. მისივე თქმით, “რუსეთი კვირას, საპრეზიდენტო არჩევნების წინ, ე.წ. “დიფფეიქის” გამოქვეყნებას აპირებს”.
ქილიჩდაროღლუმ, რომელსაც არჩევნებამდე ორი დღით ადრე ერდოღანთან შედარებით მცირე უპირატესობა აქვს, ამბობს, რომ მიუღებელია რუსეთის მიერ თურქეთის საშინაო საქმეებში ჩარევა, მაგრამ დასძინა, რომ თუ პრეზიდენტი გახდება, ანკარა შეინარჩუნებს კარგ კავშირებს მოსკოვთან.
გამოცემა აღნიშნავს, რომ ნატოს წევრი თურქეთი დიდად არის დამოკიდებული ენერგიის იმპორტზე და რუსეთი მისი ყველაზე დიდი მიმწოდებელია. ამ კვირაში ორმა წყარომ განუცხადა Reuters-ს, რომ ანკარამ გადადო რუსეთს ბუნებრივი გაზის 600 მილიონი დოლარის გადახდა 2024 წლამდე, რაც ხაზს უსვამს ერდოღანისა და რუსეთის პრეზიდენტის ვლადიმერ პუტინის დროს გაძლიერებული ურთიერთობებზე.
ჟურნალისტის კითხვაზე, თუ რატომ დაწერა მან ხუთშაბათს ტვიტერზე, რომ რუსეთი იყო პასუხისმგებელი ყალბ ონლაინ კონტენტზე, რაც თამამი ნაბიჯია, ქილიჩდაროღლუმ უპასუხა:
„ჩვენ, რომ არ გვქონოდეს ეს (კონკრეტული მტკიცებულება), მე არ დავწერდი ტვიტერს.
ჩვენ მიუღებლად მივიჩნევთ სხვა ქვეყნის ჩარევას თურქეთის საარჩევნო პროცესში პოლიტიკური პარტიის სასარგებლოდ. მე მინდოდა ამის შესახებ მთელმა მსოფლიომ იცოდა, ამიტომ ღიად გავაკეთე ეს მოწოდება ტვიტით.“
მის პარტიას ამ საკითხთან დაკავშირებით რუსეთის საელჩოს არ დაკავშირებოა. მას არ დაკონკრეტებია თუ რა იყო ონლაინ მტკიცებულებების შინაარსი.
ცნობისთვის, ერთ-ერთმა საპრეზიდენტო კანდიდატმა პატარა პარტიიდან, მუჰარემ ინსემ , ხუთშაბათს მოხსნა კანდიდატურა, ონლაინ სივრცეში გავრცელებული ყალბი ინფორმაციის გაო, რადგან მისი თქმით, ეს იყო მისი “პერსონის მკვლელობა”
აღსანიშნავია, რომ რუსეთს მანამდეც ადანაშაულებდენ საგარეო არჩევნებში ჩარევაში, მათ შორის ამერიკის შეერთებული შტატები, თუმცა ამას მოსკოვი უარყოფდა.
ცნობისთვის, თურქეთში საპრეზიდენტო არჩევნები კვირას 14 მაისს გაიმართება.
ავტორი
