ტყუპი
გაორებული ბუნების გამო და კიდევ იმიტომ, რომ დროის დეფიციტიდან გამომდინარე, მუდმივად სადღაც აგვიანდება, ტყუპი იშვიათად იცლის საიმოსოდ, რომ სახლი დალაგებული დატოვოს სამსახურში წასვლის წინ. ის ვერც სამსახურიდან დაბრუნებული იცლის წესრიგის დასამყარებლად, იმიტომ რომ აქვს უამრავი სალაპარაკო ტელეფონით ან ინტერნეტით მრავალათასიან მეგობარ-ნაცნობებთან. ზოგადადაც, რატომ უნდა დაალაგოს სახლი? ამის გაკეთება მას მხოლოდ იმ შემთხვევაში შეუძლია, თუკი ცუდ ხასიათზეა და გაბრაზებულ გულზე, გულისწყრომის მიზეზს ვერ პოულობს სასაუბროდ. სახლის დალაგება და ნივთების მოწესრიგება, ტყუპისთვის იდეალური განტვირთვაა ამ მხრივ.
მერწყული
ის დიდი კოლექციონერია. ოღონდ არა ემოციების ან ურთიერთობების, არამედ ნივთების, რომელსაც ბევრის თვალში უბრალოდ ძველმანები ან გადასაგდები ხარახურა ეწოდება. მერწყულებს უყვართ ერთი შეხედვით უაზრო სუვენირების შეგროვება. მაგალითად სკოლის გამოსაშვებ საღამოზე პომადაშერჩენილი ჭიქა, საღეჭი რეზინის ყუთი, რომელიც პირველმა შეყვარებულმა აჩუქა და ა.შ. გარდა ამისა, მერწყული სიძველეებს ორიგინალური მიზნითაც იყენებს. შეუძლია აბაჟური გააკეთოს ძველი კონსერვის ქილებისგან. სამაგიეროდ, დიდად არ დაგიდევთ პერანგის გაუთოებას, ან თმის ვარცხნას მნიშვნელოვანი შეხვედრის წინ. უფრო მეტიც, მან შესაძლოა (გააზრებულად) სხვადასხვა ფერის წინდაც კი ჩაიცვას ფეხზე. რატომ აკეთებს ამას? უბრალოდ კრეატიულობისთვის.
ავტორი
