საქართველოს თავდაცვის სამინისტროს კადეტთა სამხედრო ლიცეუმის კადეტს, ქეთი გოგიას ჩვენი მკითხველი უკვე კარგად იცნობს. ქეთას წარმატების შესახებ “გურია ნიუსმა” არაერთხელ დაწერა.
კადეტთა სამხედრო ლიცეუმი ქეთას წარმატების შესახებ კიდევ ერთ ინფორმაციას აქვეყნებს.
“კადეტებმა 76-ე სასწავლო კვლევით კონფერენციაში პირველი ადგილი დაიკავეს.
წლევანდელი კონფერენციის მთავარი თემა: ,,მდგრადი განვითარების მიზნების ხელშეწყობისა და თანამედროვე გლობალური პრობლემური საკითხების გადაჭრა’’ იყო. მონაწილეებმა 10 სექციაში მეცნიერების სხვადასხვა სფეროში შექმნილი სამეცნიერო ნაშრომები წარადგინეს.
II სასწავლო კურსის კადეტებმა: თომა გოგიაშვილმა და ქეთევან გოგიამ პირველი საპრიზო ადგილი დაიკავეს და ორგანიზატორებისგან დიპლომებით დაჯილდოვდნენ.
II სასწავლო კურსის ფინალისტ კადეტ ნატალია მანდარიას კი სიგელი გადაეცა.
კონფერენციაში მონაწილე ფინალისტ კადეტებს ხელმძღვანელობდნენ ლიცეუმის მასწავლებლები: ია დანელია, ზინა ბუბუტეიშვილი, ქალთამზე მელქაძე.
76-ე სასწავლო კვლევითი კონფერენცია ეროვნული სასახლის ორგანიზებითა და საქართველოს საპატრიარქოს წმ. ანდრია პირველწოდებულის სახელობის ქართული უნივერსიტეტის მხარდაჭერით გაიმართა”, _ წერია ლიცეუმის მიერ გამოქვეყნებულ ინფორმაციაში.
