NATO-ს ასპირანტი ქვეყანა უკრაინაში რუსეთის ომში NATO-ს ადანაშაულებს – ამ სათაურით გამოცემა POLITICO ბრატისლავაში უსაფრთხოების კონფერენციაზე პრემიერ-მინისტრის ირაკლი ღარიბაშვილის გამოსვლას ეხმაურება.
სტატიის ავტორი წერს, რომ ,,რუსეთის შეჭრა უკრაინაში ნატოს გაფართოების რეაქცია იყო“ თქვა საქართველოს პრემიერ-მინისტრმა, რომელიც ეხმიანება კრემლის ომის გამართლებას, რაც თბილისის დასავლეთთან დასავლეთან დაშორების კიდევ ერთი ნიშანია.
,,GLOBSEC-ის უსაფრთხოების ფორუმზე გამოსვლისას, ირაკლი ღარიბაშვილმა თქვა , რომ „კონფლიქტის ერთ-ერთი მთავარი მიზეზი“ „ნატოს გაფართოება იყო… უკრაინის სურვილი, გახდეს ნატოს წევრი.
პრეტენზიები, რომ დასავლური ჯარები არღვევენ რუსეთის საზღვრებს, იყო პრეზიდენტ ვლადიმერ პუტინის ნარატივის მთავარი ნაწილი, სანამ 2022 წლის თებერვალში უკრაინაზე ყოვლისმომცველი თავდასხმის ბრძანებას გასცემდა,“ – წერია სტატიაში.
სტატიის ავტორი აღნიშნავს, რომ საქართველო – რუსეთის ომი 2008 წელს დაიწყო, რომლის შემდეგ ქვეყანა გახდა ნატოს ერთ-ერთი უახლოესი პარტნიორი, ალიანსი ქვეყნის ჯარს წვრთნიდა. საქართველოს ტერიტორიის დაახლოებით მეხუთედი ოკუპირებულია რუსეთის შეიარაღებული ძალების და სეპარატისტული რეჟიმების მიერ, რომლებსაც ის მხარს უჭერს სამხრეთ ოსეთსა და აფხაზეთში, სადავო ტერიტორიებზე კავკასიაში.
იმავე წლის დასაწყისში, ქვეყნის მასშტაბით ჩატარებული რეფერენდუმის შედეგად ამომრჩეველთა 77 %-მა მხარი დაუჭირა საქართველოს ნატოში გაწევრიანებას. გამოკითხვის შემდეგ, ალიანსმა გამოაქვეყნა განცხადება, რომელშიც ნათქვამია, რომ ქვეყანა საბოლოოდ გახდება წევრი, მაგრამ მის გაწევრიანებასთან დაკავშირებით პროგრესი მას (ქართული ოცნების)შემდეგ შეჩერდა.
მიუხედავად გამოხატული ამბიციისა, ასევე გაწევრიანდეს ევროკავშირში, საქართველო ვერ აკმაყოფილებს რეფორმების მოთხოვნებს მისი განაცხადის წინსვლისთვის. „ჩვენ ვნახეთ წარუმატებლობა კანონის უზენაესობის, მმართველობისა და ადამიანის უფლებების ძირითად სფეროებში“, – განაცხადა ბრიუსელმა გასულ წელს.
სტატიის ავტორი წერს, რომ ამ თვის დასაწყისში მოსკოვმა გამოაცხადა, რომ გააუქმა ორ ქვეყანას შორის ფრენების აკრძალვა და საქართველოს მოქალაქეებისთვის სავიზო რეჟიმი გააუქმა. ფრენები განახლდა, მიუხედავად იმისა, რომ საქართველოს პრეზიდენტმა განაცხადა, რომ ეს ნაბიჯი იყო „მორიგი რუსული პროვოკაცია“.
საგარეო ურთიერთობათა ევროპული საბჭოს თანახმად , ოლიგარქი ბიძინა ივანიშვილი, მმართველი პარტია „ქართული ოცნების“ დამფუძნებელი, „როგორც ჩანს, დიდწილად პასუხისმგებელია“ პრომოსკოვურ შემობრუნებაზე. „ქართული ოცნებისა და მთავრობის კონტროლით, ივანიშვილი შესაძლოა ცდილობდეს საქართველოს მანევრირებას რუსეთის გავლენის სფეროში“, – ნათქვამია განცხადებაში.
ავტორი
