გამოცემა Forbes-ის ინფორმაციით, კვირას, 30 ივლისს ისრაელის, საბერძნეთისა და თურქულ-ქართული რეგისტრაციის მქონე სამმა სამოქალაქო სატვირთო გემმა შავ ზღვაში რუსეთის ბლოკადა გაარღვია და დუნაის დელტაში მდებარე უკრაინის მარცვლეულის ერთ-ერთ პორტში შევიდა.
გამოცემა ასევე აღნიშნავს, რომ გემების გადაადგილებას იზმაილისკენ, უკრაინის პატარა პორტისკენ, რომელიც რუმინეთის მოპირდაპირე მხარეს, მდინარე დუნაიზე მდებარეობს, NATO-ს 4 სამხედრო თვითმფრინავი აკვირდებოდა.
“გემები, სავარაუდოდ, იზმაილში მარცვლეულს ჩატვირთავენ, შემდეგ კი ისევ შავი ზღვის გავლით უცხოეთის პორტებისკენ გაემგზავრებიან”, – წერს Forbes.
გამოცემა წეს, რომ ისრაელისა და საბერძნეთის გემები ბოსფორის სრუტიდან ჩრდილოეთით მიცურავდა, თურქულ-ქართული ხომალდი კი თურქეთიდან დასავლეთით.
Forbes აღნიშნავს, რომ არცერთი გემი მალულად არ მოქმედებდა. ყველას ჩართული ჰქონდა რადიო ტრანსპონდერები, რითიც მათი ადგილმდებარეობა და გადაადგილება ცნობილი იყო ყველასთვის, ვისაც აქვს წვდომა ინტერნეტსა და შესაბამის ვებსაიტზე.
აშშ-ს საზღვაო ძალების P-8 საპატრულო თვითმფრინავი, აშშ-ს არმიის ჩელენჯერი ზედაპირის სკანირების რადარით, აშშ-ს საჰაერო ძალების RQ-4 თვითმფრინავი და ნატოს ადრეული გაფრთხილების E-3 თვითმფრინავი. არცერთი თვითმფრინავი ჩვეულებრივ იარაღს არ ატარებს, მაგრამ ნატოს მებრძოლები, მათ შორის იტალიური Eurofighters და რუმინული F-16s , ახლოს იყვნენ რუმინეთში.
“ცნობები იმის შესახებ, რომ სამმა სამოქალაქო გემმა უკრაინამდე შეუფერხებლად მიაღწია, შეიძლება მიუთითებდეს, რომ ამ დროისთვის რუსეთს გემების ჩხრეკა არ სურს ან არ შეუძლია”. – ამბობს ამერიკული ანალიტიკური ცენტრი, ომის შემსწავლელი ინსტიტუტი.
გამოცემის ინფრომაციით, რუსები ოდესას რაკეტებით რეგულარულად ესხმიან თავს, მაგრამ იერიშის მიტანის მცდელობები დუნაის პორტებზე ნაკლებად ხშირია, სავარაუდოდ, ამ პორტების NATO-ს ტერიტორიასთან სიახლოვის გამო. იზმაილიდან რუმინეთის მიწამდე სულ რამდენიმე ასეული იარდია. 24 ივლისს კი რუსულმა უპილოტო თვითმფრინავმა დაარტყა უკრაინის კიდევ ერთ პორტს, რომელიც დუნაის სანაპიროზე და შესაბამისად, რუმინეთთან საკმაოდ ახლოს მდებარეობს.
ავტორი
