თეთრი სახლი უარყოფს ინფრომაციას, რომლის მიხედვითაც, თითქოს მიმდინარეობს დისკუსია ნატოში უკრაინის მიღებაზე, თუ ის რუსეთის სასარგებლოდ ტერიტორიებს დათმობს.
ამის შესახებ ჟურნალისტებთან თეთრი სახლის სტრატეგიული კომუნიკაციების კოორდინატორმა ეროვნული უსაფრთხოების საკითხებში ჯონ კირბიმ 16 აგვისტოს ბრიფინგზე ისაუბრა.
ჯონ კირბის ჟურნალისტმა ჰკითხა, შეიძლება თუ არა აშშ-მ მხარი დაუჭიროს უკრაინის ტერიტორიის ნაწილის დათმობის იდეას იმისთვის, რომ ჰქონდეს უსაფრთხოების გარანტია ომის დასრულებისთვის და მხოლოდ მოგვიანებით იბრძოლოს დანარჩენი ტერიტორიისთვის.
„ძალიან სანდო წყარო, გავიგე, რომ თეთრ სახლში განიხილეს იდეა, რომ უკრაინა შეიძლება გახდეს ნატოს წევრი მხოლოდ იმ საზღვრებში, რომელიც ზუსტად იმ მომენტში იქნება გათავისუფლებული, ამის შემდეგ კი უკრაინა დაიწყებს ბრძოლას დანარჩენი ტერიტორიებისთვის დიპლომატიურად და არა — სამხედრო გზით“, – უთხრა ჟურნალისტმა ჯონ კირბის.
ჟურნალისტის პასუხად თეთრი სახლის წარმომადგენელმა განაცხადა, რომ მსგავსი რამ არ განიხილება
„არაფერი მსგავსი, ეს არი არის ზუსტი [ინფორმაცია]“, – უპასუხა ჯონ კირბიმ ჟურნალისტს.
ნატოს გენერალური მდივნის ოფისის ხელმძღვანელმა სტიან იენსენმა უკრაინის ალიანსში გაწევრიანების კონტექსტში განაცხადა, უკრაინისთვის გამოსავალი შეიძლება იყოს ტერიტორიის დათმობა და სანაცვლოდ ნატოში გაწევრიანება. თუმცა ხაზგასმით აღნიშნა, რომ ასეთი გადაწყვეტილება მხოლოდ კიევმა უნდა მიიღოს.
უკრაინის საგარეო საქმეთა სამინისტრომ მსგავს დისკუსიებს „აბსოლუტურად მიუღებელი“ უწოდა და განაცხადა, რომ რუსული ნარატივია.
მოგვიანებით სტიან იენსენმა თავის
netgazeti
