რამდენიმე დღის წინ, “ნაპოლის” შემტევი ვიქტორ ოსიმენი ნიგერიისა და საუდის არაბეთის ნაკრებების ამხანაგურ მატჩში დაშავდა, რის გამოც 4-6 კვირა მოუწევს უქმობა.
ის ნეაპოლურ კლუბს საუკეთესო შემთხვევაში ნოემბრის ბოლოს დაეხმარება და მნიშვნელოვანი მატჩების გამოტოვება მოუწევს. თუმცა ეს ყველაფერი არ არის…
2024 წლის 13 იანვარს კოტ’დივუარში აფრიკის თასის გათამაშება დაიწყება, სადაც ოსიმენის ნიგერიის ნაკრებიც იღებს მონაწილეობას და შეჯიბრება 11 თებერვლამდე გასტანს. აქედან გამომდინარე, აფრიკელი “ნაპოლიმ” კიდევ 1 თვით შესაძლოა მოისაკლისოს.
ამ ფაქტით ძალიან უკმაყოფილოა აურელიო დე ლაურენტისი, რომელსაც აფრიკის თასის მისამართით უკმაყოფილება არაერთხელ გამოუთქვამს.
ვეტერანმა ფეხბურთელმა მასიმო ბრამბატიმ კი განაცხადა, რომ ვიქტორ ოსიმენი და ხვიჩა კვარაცხელია „ნაპოლიში“ ბოლო სეზონს ატარებენ.
„ნაპოლიდან“ ამ სეზონის შემდეგ ოსიმენი და ჟიელინსკი წავლენ, დარწმუნებული ვარ, რომ მომდევნო წელს არც კვარაცხელია დარჩება გუნდში“, – განაცხადა მასიმო ბრამბატიმ.
საქართველოს ნაკრების მეკარე გიორგი მამარდაშვილი ევროპის 2024 წლის ჩემპიონატის საკვალიფიკაციო ეტაპის ტურის სიმბოლურ ნაკრებში მოხვდა.
ქართველი მეკარე მერვე წრის საუკეთესო თერთმეტეულში გამოცემამ „Sofascore“ დაასახელა, რომელმაც მამარდაშვილს კვიპროსთან თამაშისთვის შეფასებად 8.1 დაუწერა. შეგახსენებთ, რომ თბილისში გამართული მატჩი 4:0 დასრულდა, გიორგიმ კი რამდენიმე რთული ბურთი მოიგერია.
ნიდერლანდური გამოცემა „Voetbal International“-ის ჟურნალისტმა სულეიმან იოზტურკმა „აიაქსის“ ლეგიონერი გიორგი მიქაუტაძის შესახებ ისაუბრა:
“კიდევ კარგი, გიორგი მიქაუტაძეს ის ყველაფერი არ ესმის, რასაც მასზე ლაპარაკობენ. ის დიდ გაუგებრობაში იმყოფება. ალბათ, ფიქრობს, რომ რაღაც რთული ექსპერიმენტის წევრი გახდა და გარკვეულწილად, მსხვერპლის როლს ასრულებს. გასულ სეზონში მიქაუტაძე ფრანგული სეზონის ერთ-ერთი სენსაცია გახდა და იქვე მთელ რიგ წამყვან კლუბებში გადასვლა შეეძლო, თუმცა, ის სახელი და ცნობადობა არჩია, რომელიც საერთაშორისო ასპარეზზე „აიაქსს“ გააჩნია.
სწორედ ამიტომ დაეთანხმა ამსტერდამელთა სპორტულ დირექტორ სვენ მისლინტატს ტრანსფერზე და ვერ აცნობიერებდა, რომ თავს დიდ ორმოში ამოჰყოფდა. ისე გამოვიდა, რომ ის პირველივე დღიდან აითვალწუნეს და ის გზაც არ სჩანს, მიქაუტაძემ პატივისცემა როგორ უნდა მოიპოვოს. არადა, უკანასკნელი 2 წლის განმავლობაში მას შესაშური წინსვლა განიცადა და 22 წლის ასაკში ნამდვილად არის ტალანტი, რომელსაც უდავოდ ბევრის მიღწევა შეუძლია”.
მიქაუტაძე „აიაქსში“ ფრანგული „მეციდან“ 16 მილიონი ევროს სანაცვლოდ გადავიდა, თუმცა, სიტუაცია თავიდანვე აერია, რადგანაც გაირკვა, რომ მისი შეძენით გუნდის მთავარი მწვრთნელი სტეინი სულაც არ იყო დაინტერესებული, ტრანსფერის შემოქმედი – სპორტული დირექტორი სვენ მისლინტატი კი მალე კლუბიდან გაუშვეს.
„აიაქსის“ თავკაცმა ქართველი სასტარტო შემადგენლობაში მხოლოდ ერთხელ დააყენა და ისიც, მარცხენა შემტევის პოზიციაზე, შემდეგ კი ცვლილებაზე მხოლოდ ორჯერ გამოიყვანა და ორივეჯერ ისევ ფლანგზე ათამაშა.
„ტორინოს“ მცველი საბა საზონოვი კი მილანის „ინტერის“ წინააღმდეგ ძირითად შემადგენლობაში ითამაშებს.
ქართველი ფეხბურთელი სანაკრებო პაუზის დროს კარგად მოემზადა და სათამაშოდ მზადაა. თუ ალესანდრო ბონჯორნო მანამდე გამოჯანმრთელებას ვერ მოასწრებს, მილანური გუნდის წინააღმდეგ საბა მოედანზე პირველივე წუთიდან გავა.
ჟოზე მოურინიო მიმდინარე სეზონის ბოლოს „რომას“ დატოვებს.
ცნობილი გახდა რომ კონტრაქტი, რომელიც 30 ივნისს იწურება, მხარეებს შორის არ განახლდება, შესაბამისად, პორტუგალიელს ახალი სამსახურის ძებნა მოუწევს.
ჟოზე მოურინიო „რომაში“ 2021 წლიდან მუშაობს და გუნდს კონფერენს ლიგა მოაგებინა, რაც ამ გუნდის ისტორიაში პირველი ევროპული ტიტულია. მოურინიო მანამდე „ბენფიკას“, „ლეირიას“, „პორტუს“, „ჩელსის“, „ინტერის“, „რეალის“, „მანჩესტერისა“ და „ტოტენჰემის“ მწვრთნელად მუშაობდა.
ავტორი
