“გზებზე ყურადღებით იყავით, მოერიდეთ თავშეყრის ადგილებს” _ასტროლოგი გვაფრთხილებს

ზოგადად დაბნელების ფონი ინდივიდუალურია თითოეული ადამიანისთვის, პროგნოზი დამოკიდებულია ინდივიდის რუკაზე, შეიძლება იყოს მომგებიანი, სასიკეთო ან პირიქითაც, თუმცა ნებისმიერ შემთხვევაში, მიმდინარე ასტრონომიული პროცესების შედეგად, არასასურველი ფაქტორები აისახება ნებისმიერ ჩვენგანზე, ამიტომ მსგავს პერიოდებში სასურველია თავი შევიკავოთ მნიშვნელოვანი საკითხების გადაწყვეტისგან.

მთვარის დაბნელების გავლენა, რამდენიმე კვირიდან რამდენიმე თვემდეც შეიძლება გასტანოს.

ახლა ვისაუბროთ კონკრეტულად 28/29 ოქტომბრის დაბნელების პროცესზე, იმაზე თუ რა პერსპექტივებზე საუბრობენ ვარსკვლავები. (ვარსკვლავებით არ ვწინასწარმეტყველებთ, არ ვმკითხაობთ, ვარსკვლავებით ვკითხულობთ გარკვეულ ინფორმაციას, ისევე როგორც სინოპტიკოსები იღებენ გარკვეული ხელსაწყოებით ინფორმაციას მომავალ პროგნოზებზე და ისევე, როგორც ვთქვათ საფონდო ბირჟებზე მოსალოდნელ ცვლილებებზე აკეთებენ პროგნოზს.)

მთვარის დაბნელება როგორ წესი ემთხვევა ხოლმე სავსემთვარეობას, ამჯერად ეს სავსემთვარეობა კუროს ზოდიაქოს ნიშანშია ანუ სიმბოლურად მიმდინარე ფონის შეფასებას ვახდენთ კუროს ზოდიაქოს ნიშნის ხასიათით, მისი მმართველით – ვენერას ბუნებით, პოზიციითა და სხვა პლანეტებთან ურთიერთქმედებით.

კუროს ზოდიაქოს ნიშანი მატერიალურ ფასეულობებს, ფინანსებს, მიწას, საზღვრებს, სტაბილურობას უკავშირდება, პლანეტა ვენერა ზოგადად ჩვენს ფასეულობებზე, გემოვნებაზეა პასუხისმგებელი, ის ასევე ქორწინების საკითხებში ერევა, ჩვენს სურვილებზე, მინდებზეა, სასიყვარულო თავგადასავლებზე პარტნიორობაზე და კომუნიკაციაზეა პასუხისმგებელი.

დაბნელების მმართველი პლანეტა ვენერა ქალწულის ზოდიაქოს ნიშანშია, ქალწული კი მერკურიანელი ნიშანია და მისი ხასიათი კიდევ უფრო მეტად სვამს აქცენტებს კომუნიკაციის თემაზე. ყურადღებას იქცევს ამ დროს მერკურისა და მარსის გაერთიანება მორიელის ნიშანში, რომლებიც მზესთან ერთად ჯერ კიდევ დამწვარ გზას გადიან (ე.წ. Via Combusta) თუმცა ძველ ასტროლოგიაში ამგვარი კავშირი საკმაოდ ძლიერ უნარებს იძლევა, იმისათვის, რომ ადამიანმა თავის ნებაზე, ნებისყოფაზე და სიმტკიცეზე იმუშაოს, სწორედ ამ პერიოდში დასახული მიზნები შეიძლება თქვენს მიერვე რეალიზდეს საკმაოდ მყარ ფორმებად! ნუ გადაამეტებთ, ნუ გადაამლაშებთ, დაიცავით პირობა, რომელიც დადეთ მოლაპარაკებისას, საყვარელ ადამიანთან თუ თქვენს კონკურენტთან, (დიდი იმედი მაქვს რომ სახელმწიფო მმართველებიც ასე მოიქცევიან).

ვარსკვლავური რჩევები დაბნელების პერიოდისთვის:

მოერიდეთ კამათსა და სარკაზმს, ღიმილი, პატიება და მიტევება საუკეთესო გამოსავალია, თუ “გადაამლაშებენ” დაიცავით თქვენი პოზიცია, თუმცა მეტი გაგებით მოეკიდეთ ირგვლივმყოფებს.

შესაძლოა გამწვავდეს ფსიქოლოგიური საკითხები, სხვადასხვა ფობიები და ფილიები. შესაძლოა თითოეულ ჩვენგანში მეტად გაიღვიძოს მანკიერმა მისწრაფებებმა, არ არის საჭირო საკუთარ თავთან ომის გაჩაღება, მიიღეთ თქვენი ეს ნაწილი და დაამუშავეთ ეს ენერგია, იმისთვის რომ თქვენი უკეთესი ვერსია შექმნათ.

მოუფრთხილდით გულსისხლძარღვთა სისტემას, ყელის ზონას, აქტუალური წყენების თემა ფსიქოსომატურად სწორედ ყელის ზომას უკავშირდება, ასევე ყურადღებას საჭიროებს ნაწლავების ზონა.

გზებზე ყურადღებით იყავით, მოერიდეთ თავშეყრის ადგილებს.

ნუ მიიღებთ ნაჩქარევ გადაწყვეტილებებს, ისედაც მოულოდნელობებითაა აღსავსე ეს პერიოდი და კიდევ უფრო მეტად ნუ გაამწვავებთ არსებულ სიტუაციებს.

არ არის რეკომენდებული ასეთ სავსემთვარეობებზე დამუხტვები, თუმცა საკმაოდ დიიდი ენერგები ტრიალებს და შეგიძლიათ ტრანსფორმაციული პრაქტიკებით, ფსიქოლოგიური საკითხებით, სურვილების ფორმირებისა და სამომავლო გეგმების გაწერით დაკავდეთ.

არ არის სასურველი სამედიცინო, ქირურგიული და ინვაზიური მანიპულაციები განსაკუთრებით ამ დღეებში.

გლობალურ საკითხებსაც შეეხება ეს დაბნელება, სახელმწიფო დონეზე, ფინანსურ, ეკონომიკურ საკითხებს შეეხება, საზღვრების თემაზე აისახება, სამხედრო მოქმედებაზე და ომის თემაზე მოახდენს გავლენას.

გახსოვდეთ, რომ ყველაფერი ციკლურია ამ სამყაროში, ღამეს დღე მოსდევს, მე 9 ყველაზე ბობოქარ ტალღას სიმშვიდე, სიკვდილს კი – სიცოცხლე…

და იმისათვის, რომ უკეთეს ადამიანებად გავცოცხლდეთ, რაღაც ძველი უკან უნდა მოვიტოვოთ, სწორედ ეს არის ამ დაბნელების მთავარი მესიჯი!