“ახლა წევს ცივ მიწაზე, სადაც ჩვენებმა გადამალეს” _ მძიმე ისტორია ბრძოლის ველიდან

კიდევ ერთხელ მიწევს დავწერო. კიდევ ერთხელ ვიგებ იმას, რასაც თითქოს უნდა დიდი ხანია, მივჩვეოდი ,მაგრამ ყოველთვის ყოველ ჯერზე ისევ ისე განვიცდი, როგორც მაშინ პირველად …უკვე მერამდენეა.. არ ვიცი, რამდეხანს გაგრძელდება, მხოლოდ შენ იცი უფალო… მაგრამ მძიმეა, ძალიან მძიმე..

ჰოდა ლევანა ლობჟანიძე ჩემი ძმა ბრძოლაში დაეცა ბახმუტის მისადგომთან მტრის გამაგრებულ ბლინდაჟზე იერიშის დროს..

ბევრს არაფერს ვიტყვი მასზე უბრალოდ როცა ნახა რომ ფაქტიურად არაფერს ვჭამდი რამეთუ ვცდილობდი ფორმაში ჩავმდგარიყავი და დავიწუწუნე რომ აი სახლში ფაფებს მიკეთებდნენ მეთქი .მეორე დღეს კარებზე მოაკაკუნა , მოკრძალებით შემოვიდა და გამზადებული ფაფა მომიტანა ..ისე შემრცხვა ..

ჩემზე უმცროსი იყო, მაგრამ აფხაზეთში იბრძოდა, სადაც მოხალისედ წავიდა ..

უკვე დიდი ხანი თურქეთში იყო მუშაობდა, ცხოვრობდა , მიატოვა ყველაფერი და წამოვიდა ჩამოვიდა და ახლა წევს ცივ მიწაზე სადაც ჩვენებმა გადამალეს და უკვე ჩვენზე ფიქრობს .ჰო ჩვენზე ფიქრობს მის ძმებზე და იმაზე რომ უიმისოდ ძალიან გაგვიჭირდება..

რვა კაცი უტევდა ბლინდაჟთა წყობას ოთხი ქართველი ოთხი უკრაინელი..პირველ ბლინდაჟთან ლევანამ და თუშმა ( დათო აბულიძემ) შვიდი მიაწყვეს ზედიზედ გამოსულები მერე ბლინდაჟთანაც მიღწიეს და თერმობარულით ააფეთქეს .ალაფი მოაგროვეს და იქვე ჩაიმუხლეს სულის მოსათქმელად.დრონი შენიშნეს გადასცეს და პასუხად მიიღეს რომ ჩვენი იყო..თუშმა უკვე15 მეტრზე იქნებოდა ჭურვი რომელიც დრონმა ჩამოუგდო რომ შევნიშნეო ლევან გადახტიო და მეც გადავხტიო ..მის წინ დაეცა ..თუში მძიმედ დაიჭრა ..ერთი ფეხი გადაუმტვრია..მეორე დაცხრილული ჰქონდა..აზრზე მალევე მოვიდა ლევანს ეძახდა..ძალა მოიკრიბა და მიხოხდა გადმოაბრუნა ლევანა აღარ იყო ჩვენი ლევანა და ალბათ მხოლოდ იმაზე წუხდა რომ თუში მიატოვა ამ მძიმე წუთებში ..თუშს მძიმედ დაჭრილს კი უკვე უტევდნენ და თუშიც იბრძოდა ჯერ მისით მერე მტრის იარაღით მთელი ორსაათ ნახევარი მარტო იბრძოდა იბრძოდა საქართველოსთვის იბრძოდა ლევანისთვის იბრძოდა და ხანდახან მედალიონს დახედავდა წმინდა გიორგის გამოსახულებით მხედრიონი ნი სდაიოტსა სუკი..

ორი უკრაინელიც დაეცა იმ ბრძოლაში…ბოლოს კი ბოლო წამს ის ერთი გადარჩენილო უკრაინელი დაბრუნდა დათო გამოიყვანა ლევანი გადამალა..

ჰოდა წევს ახლა ლევანი ცივ მიწაზე და ჩვენზე ფიქრობს თუშზე ფიქრობს და იმაზე თუ როგორ ვიქნებით უიმისოდ მძიმე ბრძოლებში..

P.s ლევანა და თუში ოპერაციაზე გასვლის წინ… _ წერს სოციალურ ქსელში მებრძოლი, უკრაინაში დაღპული გმირის, ჯამბულათ ხოფერიას მამა, არჩილ ხოფერია და “ლევანას და თუშის” ფოტოს აქვეყნებს.