ვხედავ უკმაყოფილებას თურქეთსა და ირანს შორის, მათი ურთიერთობები დამძიმდება. მართალია, ამ ორ ქვეყანას შორის დაძაბულობა რუსეთის წისქვილზე ასხამს წყალს, მაგრამ არც იმდენად, რომ მუსლიმებს გაერთიანებაში ხელი შეეშალოთ. კრემლისთვის აქ სირთულე საქართველოს საკითხშია – მუსლიმური სახელმწიფოები, გარდა იმისა, რომ ერთმანეთს არ გაწირავენ, არც საქართველოს წინააღმდეგ არ მოიმართებიან.
თურქეთი – ეს ერთ-ერთი დიდი მუსლიმური სახელმწიფო, საქართველოს წინ დაცვითი ფარით დგება.
გაიხსენეთ ჩემი 1995 წლის 25 ოქტომბრის წინასწარმეტყველება: „მესამე მსოფლიო ომის დროს თურქეთი მართლა მკერდით დაიცავს საქართველოს!“ და ეს ასეც მოხდება. იქნება დიდი გამოსვლები, მაგრამ ერდოღანს დიდი ენერგია ეძლევა კოსმოსიდან, რათა ყველაფერი „ლამაზად“ ჩაატაროს – ისე, რომ რუსული პოლიტიკა საქართველოს არ შეეხოს, რომელიც ნელ-ნელა გარდაიქმნება. ეს საკითხი „პოლიტიკურ მაგიდასთან“ წამოიწევს, მაგრამ თურქეთი, არა მარტო ერდოღანი, არამედ მთელი თურქეთი, არ დაუშვებს საქართველოს განადგურებას – პირდაპირი გაგებით. იმიტომ, რომ ყველას გამანადგურებელი გეგმა აქვს შემუშავებული, ყველამ იცის, რომ ეს არის მესამე მსოფლიო ომი, ყველამ იცის, რაც ხდება და ის ჩუმი თამაშები, რომლებიც „იატაკქვეშეთში“, ანუ ფარულად მიმდინარეობს, საქართველოსთვის მომგებიანი იქნება. მე რაც მაინტერესებს, ეს არის ჩემი ქვეყანა და ჩემი ხალხი, ჩემი ქართველები. და ისიც ვიცი, რომ ჩემს სამშობლოზე დარტყმას ვერც მუსლიმები განახორციელებენ და ვერც ქრისტიანები! ვხედავ, რომ ისევ ამაყად დგას ჩემი საქართველო და ჩემი ხალხი; ვხედავ, როგორ ფრიალებს ქართული ჯვრებიანი დროშა! აი ასეთი საქართველო მინდა და ასეთს ვხედავ კიდეც! აი ასეთი საქართველო უნდა მოვყვე და დაგანახოთ, რაოდენი სიძლიერე, რამხელა ენერგიაა მასში. და ეს ასე იქნება, ამინ!
მინდა დავამატო:
საპატრიარქოს მდგომარეობა ძალიან რთულია, ხალხი ბოლომდე კარგავს ნდობას. და აქ სალაპარაკოც არაფერია. ის, რაც ვიწინასწარმეტყველე, ყველაფერი სრულდება. ყველაფერი თავიდან იწყება.
ვხედავ, შავ ზღვაზე რუსული ფლოტი აუცილებლად გამოჩნდება, მაგრამ როგორც გამოჩნდება, ისეც გაქრება. და აქ გამოიკვეთება ის, რომ საქართველოს უდიდესი კოსმიური დაცვა აქვს, რაც ყველასთვის ხილული იქნება. რუსეთში კრემლის ვარსკვლავს ცეცხლი ეკიდება, საქართველოში კი სიმშვიდეა – ცეცხლი არაფერსაც არ ეკიდება!!! ვხედავ, ევროპა ფრთებს შლის და ხმამაღალ განცხადებებს აკეთებს, თუ როგორ მოსწონთ საქართველო, როგორ უყვართ ქართველი ხალხი…
ირანი ძალიან რთულ პოლიტიკას გაატარებს აღმოსავლეთის ქვეყნებთან და ძალიან გაუჭირდება. იმიტომ რომ ისრაელი არ დათმობს არაფერს და იბრძოლებს ბოლომდე. როგორც ნაწინასწარმეტყველები მაქვს, ისრაელი ცეცხლის ბურთში მოექცევა, მაგრამ ღმერთი არ გასწირავს ისრაელის შვილებს.ვხედავ, მოლაპარაკებათა მაგიდასთან სხდებიან ევროკავშირი, ამერიკა, დიდი ბრიტანეთი. წამყვანი ქვეყნები ლიდერობას იყოფენ. რუსეთთანაც მიდის მოლაპარაკებები, როგორც ადრე აღვნიშნე. მაგრამ ისრაელისა და ირანის ურთიერთობები დაძაბული იყო მანამდე და დღესაც დაძაბული რჩება. ვხედავ დიდ შეჯახებებს. ვხედავ ირანის საზღვარზე აფეთქდება ბომბი. ეს არის დასაწყისი დიდი ომისა. მუსლიმები ერთიანდებიან, მაგრამ ეს ის ძალა არ არის, რომელიც ისრაელს დაამარცხებს – ისრაელს ირანი ვერ მოერევა – ვერც ახლა და ვერც საბოლოო ჯამში.მუსლიმების მაპროვოცირებელი №1 ძალა – ეს რუსეთია.
რაც შეეხება მის ვითომ მოკავშირე ჩინეთს, რომელიც ორმაგ და სამმაგ თამაშს თამაშობს, უფრო ამერიკისკენ იხრება. პეკინი ისეთ პოლიტიკას გაატარებს, რომ ამერიკას დაანახებს, ჩვენ დასავლეთის მხარეს ვართო. თავისი ქმედებებით დაანახებს ამას. იქნება შეხვედრები ევროსაბჭოშიც და საკუთრივ ჩინეთშიც.რუსეთის კიდევ ერთი მოკავშირე ჩრდილოეთ კორეა ვითომ დიდ როლს თამაშობს, მაგრამ ეს როლი მსოფლიო პოლიტიკაში არც გამოკვეთილია და არც სასარგებლო. ფხენიანის ანალიზები, რომელიც ერთსა და იმავე მუსიკას უკრავს, ისრაელისთვის მიუღებელია და როგორც ახლო აღმოსავლეთის მუსლიმურ ქვეყნებს არ ინდობს, ისე არ დაინდობს ჩრდილოეთ კორეასაც! ყველაფერი უცებ აირევა.
