“ლეიბორისტული პარტიის” ლიდერი, შალვა ნათელაშვილი სოციალურ ქსელში შემდეგ პოსტს აქვეყნებს:
“ყურადღება! ყურადღება! ყურადღება!
ოლიგარქთან პირდაპირი შეთანხმებით, ლეიბორისტული პარტიის სატელევიზიო დაბლოკვასთან დაკავშირებული საკოორდინაციო სამუშაოები დაკისრებული აქვს ნიკა გვარამიას. მასვე ევალება არ დაუშვას ჩვენი გამოჩენა მის კუთვნილ -მთავარ არხზე და აკონტროლოს ამ ბლოკირების პროცესი ხაზარაძის ტვ-პირველსა და სააკაშვილის ფორმულაზე, ასევე ცოცხალ-მკვდარ აქუბარდიასთანაც. ამ ყველაფერში დადებულია მილიონები და საბოლოოდ დაგეგმილია ივანიშვილის გადამრჩენი რომელიმე, ვითომ ოპოზიციური ფიგურის გაპრემიერება, ეს გილაური იქნება თუ ზურაბიშვილი.
მოკლედ, მე 30 წელია გამივლია არაერთი ღვთის პირიდან გადავარდნილი რეჟიმის დიქტატურა, მაგრამ ამგვარი სატელევიზიო პატიმრობის მოსჯა ჩვენთვის ვერავინ მოახერხა. ეს მართლაც დაუჯერებელია და თავი სიზმარშიც მგონია ზოგჯერ. წაიკითხეთ, გაიზიარეთ და გადაეცით ეს ინფორმაცია ყველას, ვინც ინტერესდება, თუ რატომ არ ვჩანვართ ტელევიზიებში. გვიყურეთ ფეისბუქის, იუთუბის, ტიკ-ტოკის საშუალებით. ბოროტება მაინც დამარცხდება“.
