ეუთო/ოდირის სადამკვირვებლო მისიამ საქართველოში ჩატარებული საპარლამენტო არჩევნების გარემო შეაფასა.
“მაშინ, როცა 26 ოქტომბრის არჩევნებმა ამომრჩევლებს დიდი არჩევანის გაკეთების შესაძლებლობა მისცა, აქ გამოიკვეთა პოლარიზება და არსებობდა გარემო, რომელიც საკმაოდ დიდ ზეგავლენას განიცდიდა ახლახან მიღებული კანონმდებლობის შედეგად. კანდიდატებმა ზოგადად შეძლეს კამპანიის თავისუფლად წარმართვა, თუმცა კამპანიის რიტორიკა ზოგადად იყო დიდი განხეთქილების შემომტანი. განსაკუთრებით იყო ზეწოლა საჯარო მოხელეებსა და საჯარო სექტორში დასაქმებულებზე და სწორედ ეს იყო ფართოდ გავრცელებული კამპანიის დროს.
ასევე, როდესაც ხდებოდა ამომრჩევლების აღრიცხვა კენჭისყრის დღეს, ეს ბადებს ეჭვს, რამდენად შეეძლო ამომრჩეველს რომ ხმა მიეცა შიშის გარეშე. რაც შეეხება საკანონმდებლო ჩარჩოს ის ადეკვატურ საფუძველს იძლეოდა დემოკრატიული არჩევნებისთვის, თუმცა ხშირი და ბოლოდროინდელი ცვლილებები ნამდვილად ბადებს ეჭვებს ამ კანონმდებლობის გამოყენების მიმართ პოლიტიკური მიზნით”,_ განაცხადა დამკვირვებელმა პასკალ ალიზარდმა.
მან ხაზი გასუვა პარტიებს შორის, ფინანსურ დისბალანსს და პოლარიზებულ მედიაგარემოს
“ხელისუფლებაში მყოფი პარტიის უპირატესობა უკვე ქმნიდა არათანაბარ სამოქმედო სივრცეს; პოლარიზებული მედიაგარემო და კერძო მედიასაშუალებების ინსტრუმენტალიზება პოლიტიკური პროპაგანდისთვის ზეგავლენას ახდენდა მიუკერძოებელ გაშუქებაზე და ეს აბრკოლებდა ამომრჩევლების შესაძლებლობას რომ გაეკეთებინათ ინფორმირებული არჩევანი…
კამპანიის დაფინანსებაზე ზედამხედველობის ეფექტურობას ძირი გამოუთხარა შეზღუდულმა აღსრულებამ და არსებობდა ეჭვები იმაზეც, რომ პოლიტიკური ინსტრუმენტალიზება მოხდა ამ ზედამხედველობის გამწევი ორგანოსი და იბადებოდა ეჭვები მისი მიუკერძოებლობის მიმართ” – ამბობს პასკალ ალიზარდი.
“დაკვირვების დროს, ჩვენ შევამჩნიეთ შემთხვევები, როცა ხდებოდა ამომრჩევლების მოსყიდვა და ორმაგად ხმის მიცემა კენჭისყრამდე და კენჭისყრის დროს, განსაკუთრებით სოფლად, ” -განაცხადა ეუთო/ოდირის სადამკვირვებლო მისიის წევრმა რუმინელმა დეპუტატმა იულიან ბულაიმ.
“ორი სამყარო არსებობდა – ერთი საარჩევნო უბანზე, სადაც ხმის მიცემის პროცესი იყო კარგად ადმინისტრირებული, ხოლო მეორე სამყარო ეს იყო- საარჩევნო უბნებს გარეთ. მმართველი პარტიის კამერების არსებობა საარჩევნო უბნების წინ და ამომრჩევლების აღრიცხვა ქმნიდა ზეწოლის კლიმატს და პარტიის მიერ ორგანიზებული დაშინება , შეგრძნება იყო ისეთი, რომ დიდი ძმა გვიყურებს..არათანაბარი პირობები და ნაკლოვანებები პროცესის დროს, ძირს უთხრის მისი შედეგების დამაჯერებლობასა და სამართლიანობას, “_ აღნიშნავს დამკვირვებელი.
