“ოცნების” გადაწყვეტილებას სამოქალაქო ავიაციის სააგენტოს 25 თანამშრომელი ემიჯნება

”სსიპ-სამოქალაქო ავიაციის სააგენტოს ქვემორე ხელმომწერ თანამშრომლებს მიგვაჩნია, რომ საქართველოს პრემიერ-მინისტრის განცხადება 2028 წლამდე საქართველოს მხრიდან ევროკავშირში გაწევრიანების მოლაპარაკებების დღის წესრიგიდან ამოღების შესახებ არ შეესაბამება საქართველოს კონსტიტუციას. შესაბამისად, ვსარგებლობთ რა გამოხატვის თავისუფლების კონსტიტუციური უფლებით, ვემიჯნებით აღნიშნულ განცხადებას.

სამოქალაქო ავიაციის სააგენტოს საქმიანობა, ჯერ კიდევ 2010 წლიდან დაკავშირებულია ევროკავშირთან დაახლოებასა და ინტეგრაციასთან, როდესაც ხელი მოეწერა საქართველოსა და ევროკავშირს შორის ერთიანი საჰაერო სივრცის შესახებ საერთაშორისო შეთანხმებას. მას შემდეგ, სააგენტო აქტიურად მუშაობს სამოქალაქო ავიაციის სფეროს რეგულირებაზე, რომელიც სრულ თანხვედრაშია ევროკავშირის რეგულაციებსა და დირექტივებთან. ამ მხრივ, სააგენტოს მნიშვნელოვანი პროგრესი აქვს დღემდე, რაც აისახება ფრენის უსაფრთხოების და საავიაციო უშიშროების დონის მნიშვნელოვან გაუმჯობესებაში. როგორც ტექნიკური მარეგულირებელი ორგანოს თანამშრომლები, ვმუშაობდით და დღემდე ვმუშაობთ საქართველოში სამოქალაქო ავიაციის ინდუსტრიის განვითარებისა და ხელშეწყობის, ფრენის უსაფრთხოების და საავიაციო უშიშროების პრინციპების დაცვით. ჩვენი სამუშაოს დიდი ნაწილი ეთმობა ევრორეგულაციების დანერგვას საქართველოში. ამიტომ, კითხვებს ბადებს პრემიერ-მინისტრის განცხადების ეფექტი ჩვენს საქმიანობაზე რა გავლენას იქონიებს. გაურკვეველია ჩვენი სამომავლო ურთიერთობის როლი ევროკავშირის სამოქალაქო ავიაციის მარეგულირებელ უწყებებთანაც. ხელმომწერი თანამშრომლები აქტიურად ვართ ჩართულები ევროკავშირის სასწავლო პროგრამებში და სამუშაო ჯგუფებში. ამჟამად, ჩვენთვის გაურკვეველია, რა მიზანს ემსახურება ჩვენი ჩართულობა აღნიშნულ პროცესებში, თუ სახელმწიფო აჩერებს ევროკავშირში გაწევრების პროცესს.

ჩვენთვის პრინციპულად მიუღებელია ნებისმიერი ნაბიჯი, რომლითაც საქართველო დაშორდება ევროპულ ოჯახს. ევროკავშირთან თანამშრომლობის გაწყვეტა ან დროებითი შეჩერებაც მნიშვნელოვან უარყოფით ზეგავლენას იქონიებს საქართველოში ფრენის უსაფრთხოების და საავიაციო უშიშროების დონის უწყვეტ შენარჩუნებაზე,” – ნათქვამია განცხადებაში.

განცხადებას ხელს აწერენ:

• ელენე ჭეჟია. სამართალშემოქმედების, საერთაშორისო სტანდარტების და ევროკავშირის რეგულაციების დანერგვის დეპარტამენტი (Elene Tchezhia. Rulemaking, International Standards and EU Regulations Transposition Department)
• თამარ ლუტიძე. ხარისხის მართვის დეპარტამენტი (Tamar Lutidze. Quality Management Department)
• ნანა ცინცაძე. ფრენის სტანდარტების, სერტიფიცირებისა და ინსპექტირების დეპარტამენტი (Nana Tsintsadze. Flight Standards, Certification and Inspection Department)
• როსტომ მასურაშვილი. ფრენის სტანდარტების, სერტიფიცირებისა და ინსპექტირების დეპარტამენტი (Rostom Masurashvili. Flight Standards, Certification and Inspection Department)
• ინგა ჟღენტი. საავიაციო უშიშროების დეპარტამენტი (Inga Jgenti. Aviation Security Department)
• ნინო კვესიტაძე. ფრენის სტანდარტების, სერტიფიცირებისა და ინსპექტირების დეპარტამენტი (Nino Kvesitadze. Flight Standards, Certification and Inspection Department)
• თორნიკე წინწალაშვილი. ხარისხის მართვის დეპარტამენტი (Tornike Tsintsalashvili – Quality Management Department)
• ბექა ბარქაია. ადმინისტრაციული დეპარტამენტი (Beka Barkaia. Administrative Department)
• პაატა ბალხამიშვილი.  ფრენის სტანდარტების, სერტიფიცირებისა და ინსპექტირების დეპარტამენტი (Paata Balkhamishvili. Flight Standards, Certification and Inspection Department)
• ნატალია რუდკო. ფრენის სტანდარტების, სერტიფიცირებისა და ინსპექტირების დეპარტამენტი (Natalia Rudko. Flight Standards, Certification and Inspection Department)
• ნინო წოტოიძე. სამართალშემოქმედების, საერთაშორისო სტანდარტების და ევროკავშიროს რეგულაციების დანერგვის დეპარტამენტი (Nino Tsotoidze. Rulemaking, International Standards and European Regulations Transposition Department)
• ხათუნა აბაშიძე. სააერნაოსნო მომსახურების დეპარტამენტი (Khatuna Abashidze, ANS)
• ვერიკო ბახტაძე. ადმინისტრაციული დეპარტამენტი (Veriko Bakhtadze. Administrative Department)
• აკაკი მაისაია. უპილოტო საჰაერო სისტემების და საერთო დანიშნულების ავიაციის დეპარტამენტი.
• ელისო ასლანიშვილი. ადმინისტრაციული დეპარტამენტი
• სალომე სანიკიძე – პერსონალური მონაცემების დაცვის ოფიცერი
• ლევან გელაშვილი. ადმინისტრაციული დეპარტამენტი (Levan Gelashvili. Administrative Department)
• დავით ჭეიშვილი – ჰაერსანაოსო მომსახურების დეპარტამენტი.(Davit Cheishvili – ANS Department)
• მაგდალინა ქარქუსაშვილი – უპილოტო საჰაერო სისტემებისა და საერთო დანიშნულების ავიაციის დეპარტამენტი (Magdalina Karkusashvili – Unmanned Aircraft Systems and General Aviation Department )
• თინათინი ბარბლიშვილი ფრენის სტანდარტების, სერთიფიცირებისა და ინსპექტირების დეპარტამენტი (Tinatini Barblishvili – Flight Standards, Certification and Inspection Department)
• ნიკა ხვედელიძე. უპილოტო საჰაერო სისტემებისა და საერთო დანიშნულების ავიაციის დეპარტამენტი (Nika Khvedelidze. Unmanned Aircraft Systems and General Aviation Department)
• ზაზა შუბითიძე. უპილოტო საჰაერო სისტემებისა და საერთო დანიშნულების ავიაციის დეპარტამენტი (Zaza Shubitidze. Unmanned Aircraft Systems and General Aviation Department)
• დათო სარჯველაძე. ფრენის სტანდარტების, სერტიფიცირებისა და ინსპექტირების დეპარტამენტი (Dato Sarjveladze. Flight Standards, Certification and Inspection Department)
• თამილა აფაქიძე (ფრენის სტანდარტების, სერტიფიცირებისა და ინსპექტირების დეპარტამენტი)
• ზაზა გენგაშვილი (ფრენის სტანდარტების, სერტიფიცირებისა და ინსპექტირების დეპარტამენტი)