რუსეთის ჯარებმა დონეცკის რეგიონში ორი დასახლება და უკრაინის ჩრდილოეთ სუმის რეგიონში ერთი დასახლება დაიკავეს. ამის შესახებ REUTERS-ის ინფორმაციით, რუსეთის თავდაცვის სამინისტრომ განაცხადა.
ასევე მაუწყებლის ინფორმაციით, უკრაინის შეიარაღებული ძალების გენერალურმა შტაბმა არ დაადასტურა ასეთი დანაკარგები და ოტრადნე მოიხსენია, როგორც ერთ-ერთი იმ რამდენიმე ქალაქიდან, სადაც უკრაინულმა ჯარებმა შეაჩერეს რუსული ფრონტის ხაზის 18 შეტევა.
შაბათს, კუპიანსკის მერმა ანდრეი ბესედინმა განაცხადა, რომ თავდასხმებს მსხვერპლი მოჰყვა, მათ შორის პარასკევს ორი ქალაქის მუშაკი დაიღუპა.
„ჩვენ ვხედავთ საშინელ დანაკარგებს ჩვენს ხალხსა და კოლეგებს შორის, რომლებიც სიცოცხლეს სწირავენ, რათა ქალაქმა განაგრძოს არსებობა“, – განუცხადა ბესედინმა ეროვნულ ტელევიზიას. „სამწუხაროდ, ამ დროისთვის ქალაქი 90%-ით განადგურებულია“.
