,,ნორმალურია ხალხო? ანუ დაგვცინიან ესენი” – ნანუკა ჟორჟოლიანი

ჟურნალისტი ნანუკა ჟორჟოლიანი ,,ლელოს” ბოლნისის მერობის კანდიდატის მიერ ,,ოცნების” კანდიდატის სასარგებლოდ თავისი კანდიდატურის მოხსნას ეხმაურება:

,,ლელოს ბოლნისის კანდიდატმა რომ ქოცების სასარგებლოდ მოხსნა კანდიდატურა ნორმალურია ხალხო? ანუ დაგვცინიან ესენი. ჯერ ვერ დააყენეს რაიონებში კანდიდატები, ვერ იპოვეს ხალხი და სადაც დააყენეს ქოცების სასარგებლოდ ხსნიან საკუთარ კანდიდატურებს.

რუსული არჩევნები კი არა, ესაა რუსული, ბანძი სპექტაკლი. უნიჭო!“

ინფორმაციისთვის: ,,ძლიერი საქართველო ლელოს” ბოლნისის მერობის კანდიდატმა, ასაფ ჩირაგოვმა საკუთარი კანდიდატურა ,,ქართული ოცნების” მიერ დასახელებული ზამურ ჭითანავას სასარგებლოდ მოხსნა. ამის შესახებ თავად დაწერა სოციალურ ქსელში:

,,საზოგადოებამ, განსაკუთრებით კი ბოლნისის მოსახლეობამ, კარგად იცის, რომ პოლიტიკურმა პარტია „ლელომ“ ბოლნისში მერობის კანდიდატად დამასახელა. აღნიშნულ შემოთავაზებაზე თანხმობა მხოლოდ იმიტომ განვაცხადე, რომ ნამდვილად მაქვს სურვილი, ჩემი შესაძლებლობები მშობლიურ მხარეზე ზრუნვას მოვახმარო.
სამწუხაროდ, ძალიან მალე დავრწმუნდი, რომ კონკრეტული ადამიანები ცდილობენ, ჩემი რესურსი და გულწრფელი სურვილი საკუთარი პოლიტიკური ინტერესების დაკმაყოფილებისთვის, ინსტრუმენტად გამოიყენონ. მეორე მხრივ, დავრწმუნდი, რომ ქართული ოცნების კანდიდატი, ბატონი ზამურ ჭითანავა, გამარჯვების შემდეგ მართლაც იზრუნებს ბოლნისის განვითარებასა და მუნიციპალიტეტის მოსახლეობის ინტერესების დაცვაზე.
სწორედ ამიტომ, აღარ ვაპირებ ბატონ ზამურთან ხმების გაყოფას და გადავწყვიტე, საკუთარი კანდიდატურა მის სასარგებლოდ მოვხსნა.
დღესდღეობით ნამდვილად არ არის კინკლაობისა და უშინაარსო პოლიტიკური დაპირირსპირების დრო, ახლა ყველაზე მთავარია შევინარჩუნოთ მშვიდობა და სტაბილურობა, რაზეც განვითარებისკენ მიმავალი ერთადერთი გზა გადის.”