“რუსეთი გეგმავს ხერსონში ადგილობრივი მოსახლეობის “იძულებით მობილიზებას”

ომის 57-ე დღეს, უკრაინელმა სამხედროებმა განაცხადეს, რომ რუსული ჯარები აპირებენ ადგილობრივი მოსახლეობის „იძულებით მობილიზებას“ სამხრეთ ქალაქ ხერსონში. 

გავრცელებული ცნობით, რუსული ძალები აჩერებენ ჰუმანიტარულ დახმარებას რეგიონში.
რუსული ჯარები აგრძელებენ ოპერაციას უკრაინის აღმოსავლეთ ნაწილში ლუგანსკსა და დონეცკზე სრული კონტროლის დასამყარებლად.
აღმოსავლეთ უკრაინაში, ქალაქ ბალაქლეაში, რუსმა ჯარებმა დაჭრილი კოლეგები საველე ჰოსპიტალში გადაყვანის ნაცვლად ადგილობრივ კლინიკაში მიიყვანეს.
ეს გვიჩვენებს რეგიონში დაჭრილი რუსი ჯარისკაცების რაოდენობის „მნიშვნელოვან ზრდას“.
უკრაინის საჰაერო ძალებმა ოთხ სამიზნეს დაარტყეს – სამ უპილოტო საფრენ აპარატს და ერთ საკრუიზო რაკეტას.
ბოლო 24 საათის განმავლობაში უკრაინის სამხედროებმა გაანადგურეს ერთი ტანკი, 10 ჯავშანტექნიკა და ორი მანქანა, ერთი საარტილერიო სისტემა, ორი სპეციალური საინჟინრო ქვედანაყოფი, საზენიტო-სარაკეტო სისტემა და მტრის საბრძოლო მასალის საცავი.
BBC-მ ამ ინფორმაციის დამოუკიდებლად გადამოწმება ვერ შეძლო.