ბოლო ორი კვირაა, ოზურგეთში თხილის ფასი, როგორც ადგილობრივები ამბობენ, „არ გაქანებულა“!
ერთი კილოგრმი „გულშიშველა“ თუ ნარევი 2,50 ლარი ღირს. ერთი კილოგრამი „ბერძნულა“ კი სამი ლარი!
ქალაქის ყველა მიმღებ პუნქტან ერთი და იგივე შინაარსის საუბარი ისმის: „ გამყარდა ფასიო“ – იძახიან…ისე გამყარდა თქვენი სახლის ჭერი და დეგექცათ თავზე“… _ უკვე იწყევლებიან კიდეც, აქამდე სარკასტული ფრაზებით მოსაუბრე გურულები.
_ჩვენ რა ვქნათ? ხალხი ისეა გამწარებული, თხილს აღარ ვტეხთ. პირდაპირ ვიბარებთ ხსნებულ ფასებში. თუმცა, აბა, წამღებს ჰკითხეთ. ქარხნების მეპატრონეებია თუ სამეგრელოდან მოსულები, ყველა ტეხავს. არაფრით არ მიაქვთ ისე. ჩვენ არ ვართ ცოდო? _ გვეუბნებიან თხილის მიმღებ პუნქტებში მომუშავე დისტრიბუტორები.
ერთი მნიშნელოვანი და აქამდე საკმაოდ ბუნდოვანი და გაუგებარი ცვლილება, თხილის მიღების პროცესში, წელს, სწორედ ეს გატეხვის მეთოდით შემოწმებაა. თორემ ფასი რომ დაბალია, ყველამ იცის!
რახდება? ოზურგეთში მიმღები რეალიზატორი არ ტეხავს! იბარებს ლამის სტანდარტად ქცეულ ფასებში: 2,50 და 3 ლარად! მათგან შემსყიდველი კი, როგორც თავად ამბობენ, გატეხვის გარეშე არ ყიდულობს და ერთ კილოგრამში ფასს, ათი ცალი კაკლის გატეხვის მიხედვით, დაანგარიშების შემდეგ უხდიან. ჩნდება კითხვა, რაშია ,საქმე, ვინ ზარალდება?
_არავინ არ ზარალდება! სიაფანდობენ! _ ჟარგონით მოიხსენიებენ მათ, ზურგზე თხილის ტომრებმოკიდებული გურულები, აუტანელ სიცხეში რომ ოფლი ღვარღვარით ჩამოსდით _ ჩვენზე ფიქრობენ და იმიტომ არ ტეხენ? ამ ტხილს რომ პატრონი არ ჰყავს. მარსზეც გეიგეს უკვე და ღმერთი თუ გვიშველის ოდესმე, თორემ არავინაა ჩვენი პატრონი, _ ამბობენ ისინი.
ოფიციალური პასუხი კი აღნიშნულ კითხვაზე არავის აქვს.
ავტორი
