ახალშობილს უნდა ეძინოს დედის საწოლში მანამ, სანამ მინიმუმ სამი წლის არ გახდება, _ ამტკიცებს გამომცემლობა Daily Mail.
ასეთ დასკვნამდე მივიდა პედიატრი, რომელმაც აღმოაჩინა, რომ ორი დღის ჩვილებს სხვადასხვა საწოლებში გაცილებით ცოტა და მშფოთვარედ ეძინათ იმათთან შედარებით, რომლებსაც დედის მკერდზე ეძინათ. გარდა ამისა, ცალკე საწოლებში მყოფ პატარებს გულისცემა უფრო უხშირდებოდათ.
მშობელთან კონტაქტის გარეშე ძილი არღვევს კავშირს დედასა და შვილს შორის და ვნებს მისი ტვინის განვითარებას.
მკვლევარები შიშობენ, რომ ეს მომავალში ბავშვის ცუდი ქცევების მიზეზი შეიძლება გახდეს.
დოქტორი ნილს ბერგმანი კეიპტაუნის უნივერსიტეტიდან ამტკიცებს, რომ ოპტიმალური განვითარებისთვის ახალშობილს დედის მკერდზე უნდა ეძინოს პირველი რამდენიმე თვე. ამის შემდეგ კი უნდა დარჩეს დედის საწოლში მანამდე, სანამ სამი ან ოთხი წლის არ გახდება.
მკვლევარები აკვირდებოდნენ 16 ახალშობილს, რომლებსაც ეძინათ დედასთანაც და თავის საწოლშიც. მონიტორინგმა აჩვენა, რომ ბავშვის გული სამჯერ მეტად იძაბება მაშინ, როდესაც მარტოს სძინავს.
თავიანთ საწოლებში 16 ბავშვიდან მხოლოდ ექვს ბავშვს ეძინა მშვიდად და ეს ძილიც კი არ იყო ისეთი ღრმა, როგორიც ჰქონდათ დედასთან ჩაძინებულ პატარებს.
ბავშვები თავიანთ საწოლებში იშვიათად გადადიან აქტიური ძილის ფაზიდან მშვიდი ძილის ფაზაში.
ეს გადასვლა კი ძალიან მნიშვნელოვანია ტვინის ნორმალურად განვითარებისთვის. ცხოველებზე ჩატარებული კვლევები ამტკიცებენ, რომ სტრესი და ძილის უკმარისობა შემდგომ მოზარდებში ქმნის პრობლემებს.
ასე რომ, ყველაზე უსაფრთხო ადგილი ბავშვისთვის არის – მშობლების საწოლი. რა თქმა უნდა იმ პირობით, რომ ისინი არ ეწევიან, არ სვამენ, არ არიან ზედმეტად მსუქნები და უსაშველოდ არ დაიღალნენ.
