ოზურგეთის მუნიციპალიტეტის სოფელ ბახვის მკვიდრი, წარმატებული მეურნე და ფერმერი, ნუგზარ კვაჭაძე საინტერესო ინიციატივაზე გვესაუბრება და გვაცნობს უნიკალურ მასალას, ხელნაწერი წიგნის სახით, რომელიც სოფელში, გაბრიელ ქიქოძის პროექტით აშენებულ სარწყავ არხს ეხება.
_ეს არის უნიკალური არხი, რომელიც თავის დროზე სარწყავ წყალს ექვს სოფელს აწვდიდა და ისე იყო გაკეთებული, ნებისმიერ ოჯახს შეეძლო, დროებით თავის ეზოში გადაეყვანა. მერე კი წყალი ისევ კალაპოტში დაებრუნებინა! პრივატიზაციის დროს, სამწუხაროდ და საუბედუროდ, როცა მოხდა აბსოლუტურად გაუაზრებლად კერძო საკუთრებაში მიწის ფართის მიზომვა, დაირღვა პრინციპი. თუმცა, წყალი დღეს მაინც მოედინება ამ არხში. ეგაა, ზოგან ნაგავითაა სავსე, ზოგან დაჭაობებულია და აუცილებლად გვჭირდება მთავრობის დახმარება! – გვეუბნება ბატონი ნუგზარი.
ბახვში მცხოვრები არაერთი წარატებული მეურნე თუ სხვა მოაზროვნე, სოფელზე შეყვარებული ადამიანი, დაინტერესბულია ამ უნიკალური არხის რეაბილიტაციით.
_რთულია, მაგრამ გლობალური დათბობის პირობებში, როცა კლიმატური კატასტროფის საფრთხეზე მთელი მსოფლიო საუბრობს, ამ არხის აღდგენა, სოფლისთვის სასიცოცხლოდ მნიშველოვანი საქმე იქნება. რატომ და როგორ? არხი მდინარე ნატანების სათავიდან მოედინება და დაშრობის საფრთხე თითქმის გამორიცხულია. საოცრად დაგეგმარებულია _ არხის სქემა მოიცავდა იმ ადამიანთა საკარმიდამო ნაკვეთებს, ვინც მის გაჭრაზე იმუშავა და ამასთან ერთად ფული გადაიხადა. ეს ყველაფერი მოთხრობილია ხელნაწერ წიგნში, რომელიც ნუგზარ კვაჭაძის ოჯახში ინახება. იქ დეტალურად არის აღწერილი, ვინ რა მოიმოქმდა. ამასთანავე, ყველა იმ ოჯახს, ვისაც მონაწილეობაარ მიუღია მშენებლობაში, მაინც შეეძლო არხის გადაყვანა თავის ეზოში. ვთქვათ, ზაფხულში. ერთ თვით, მოსარწყავად. ოღონდ შემდეგ წყალი არხში უნდ დაებრუნებინა! ეს არის უნიკალური პროექტი, უდიდესი ჭკუითა და გამჭრიახობით დაგეგმარებული და გახორციელებული. მისი აღდგენა შესაძლებელია! მთავობა უნდა დაგვეხმაროს რეაბილიტაციის საქმეში. კარზეა მომდგარი გლობალური დათბობა _ უდიდესი საფრთხე და ამიტომ _ ამბობს ცნობილი მეწარმე, ბახვის მკვიდრი, დავით თენიეშვილი.
ვრცლად ამ ამბავზე და ინიციატივაზე მალე გიამბობთ.
ავტორი
