Jamnews- ის ინფორმაციით, ცხინვალი უნდობლობით გამოეხმაურა მმართველი პარტია “ქართული ოცნების“ დამფუძნებლის, ბიძინ ივანიშვილის განცხადებას, რომ საქართველო აუცილებლად ბოდიშს მოუხდს ოსებს „ომის გამო, რომელიც სააკაშვილმა 2008 წელს გააჩაღა“.
სამხრეთ ოსეთის პოლიტიკოსების ზოგადი აზრია, რომ მხოლოდ გარანტიები არ არის საკმარისი და საქართველოს მთავრობას ჯერ არ გადაუდგამს რეალური ნაბიჯები რეგიონში უსაფრთხოების ძირითად საკითხებზე.
ოპოზიციის აზრი
საქართველომ უნდა აღიაროს თავისი დანაშაული სამხრეთ ოსეთის ტერიტორიაზე ომის დაწყებისა და სამხედრო დანაშაულების ჩადენაში, ასევე, მხოლოდ ამის შემდეგ შეგვეძლება ვთქვათ, რომ ეს ბოდიში გულწრფელია ქართველი პოლიტიკოსებისგან“, – ამბობს ოპოზიციური პარტია „ერთიანი ოსეთიის“ ლიდერი აცამაზ ბიბილოვი.
ის იხსენებს, რომ 2008 წლის აგვისტოს ომის შემდეგ თბილისს არ გაუფორმებია მემორანდუმი აფხაზეთისა და სამხრეთ ოსეთის წინააღმდეგ აგრესიის შესახებ და იგი არ გამორიცხავს საქართველოს მხრიდან შურისძიებას.
აცამაზ ბიბილოვის თქმით, ივანიშვილის დაპირებები მხოლოდ წინასაარჩევნო პიარია.
ბიბილოვი მიიჩნევს, რომ საქართველო არ არის დაინტერესებული მშვიდობიანი მოლაპარაკებების პროცესით და 2008 წლიდან ჟენევის დისკუსიებში დესტრუქციული პოზიცია უკავია, რაც არ იძლევა უსაფრთხოების საერთაშორისო გარანტიების დოკუმენტზე სრულფასოვანი მუშაობის დაწყების საშუალებას.
ზოგადად, პარტია თვლის, რომ, სხვა საკითხებთან ერთად, „საქართველომ უნდა აღიაროს ოსი ხალხის გენოციდი 1920, 1989-1992 წლებში და ასევე აღიაროს სამხრეთ ოსეთის რესპუბლიკის სახელმწიფო დამოუკიდებლობა.
ხელისუფლების რეაქცია
სამხრეთ ოსეთის ოფიციალური ხელისუფლება ჯერ-ჯერობით მხოლოდ ადმინისტრაციის პრესსპიკერის, იური ვაზაგოვის კომენტარით შემოიფარგლნენ:
„სამხრეთ ოსეთის დამოუკიდებლობა არ შეიძლება იყოს განხილვის საგანი. ბიძინა ივანიშვილის განცხადებებთან დაკავშირებით, აღსანიშნავია, რომ საქართველოში საარჩევნო კამპანია გაჩაღდა. 26 ოქტომბერს დაგეგმილი საპარლამენტო არჩევნების წინა დღეს მთავარ პოლიტიკურ ძალებს შორის კონკურენცია ძალიან მწვავე გახდა.”
ვაზაგოვის თქმით, „განცხადებების ტონი, რომელსაც რეგულარულად ახმოვანებენ და გააჟღერებენ სხვადასხვა პოლიტიკური ძალები, პირდაპირ კავშირშია საარჩევნო ციკლის კონტექსტთან და სამხრეთ ოსეთი არ ერევა მეზობელ ქვეყანაში შიდა პოლიტიკურ პროცესებში“.
ვაზაგოვი დასძენს, რომ სამხრეთ ოსეთი „მოელის არა მხოლოდ ზეპირ განცხადებებს, არამედ პრაქტიკულ ნაბიჯებს, მათ შორის ჟენევის დისკუსიების ფარგლებში, სადაც მთავარ საკითხად რჩება შეთანხმების მიღწევა უსაფრთხოების გარანტიების შესახებ იურიდიულად სავალდებულო დოკუმენტის ხელმოწერაზე“.
სხვა კომენტარები
თავის მხრივ, სახალხო პარტიიდან ყოფილმა პარლამენტის წევრმა, ქართულ-ოსური კონფლიქტის ვეტერანმა ამირან დიაკონოვმა JAMnews-თან საუბარში ქართულ მხარეს მოუწოდა „ბოდიში მოეხადათ არა მხოლოდ 2008 წლისთვის“.
„საქართველომ უნდა მოიხადოს ბოდიში არა მხოლოდ 2008 წლისთვის, არამედ 1990-იანი წლების დასაწყისის მოვლენებისთვის, რაც გამოწვეული იყო ზვიად გამსახურდიას ნაციონალისტური პოლიტიკით. ქართულ მხარეს ბოდიში უნდა მოეხადა 1920-იან წლებში ოსი ხალხის გენოციდის გამო. ქართული ნაციონალიზმის იდეოლოგიას კიდევ დიდხანს მოუწევს ბოდიშის მოხდა სამხრეთ ოსეთის მოსახლეობის წინააღმდეგ ჩადენილი დანაშაულებისთვის“.
ბიძინა ივანიშვილის განცხადებას ასევე გამოეხმაურა არასაპარლამენტო ოპოზიცია „სამართლიანობისთვის“ და აღნიშნეს, რომ „ქართულმა ნაციონალიზმის იდეოლოგიამ ზედმეტად ბევრი ოსური სისხლი დაიღვარა, რომ უბრალოდ ბოდიში მოიხადა“.
წყარო: jamnews
