პრემიერ-მინისტრმა ირაკლი ღარიბაშვილმა საქართველოში მყოფი უკრაინელი მოქალაქეებისგან წერილი მიიღო.
წერილში აღნიშნულია, რომ დაპირებულ ფინანსურ დახმარებას უკვე მესამე თვეა ამაოდ ელოდებიან.
“ჩვენ, უკრაინის მოქალაქეები, რომლებიც ბედის პერიპეტიებმა გვაიძულეს ლტოლვილები გავმხდარიყავით ჩვენი სამშობლოს წინააღმდეგ რუსული აგრესიის დაწყების შემდეგ, მოგმართავთ თქვენი თანაგრძნობისა და ქველმოქმედების თხოვნით და იმედით. საქართველოში რომ ჩამოვედით, საცხოვრებლს და ფინანსურ შემწეობას დაგვპირდნენ. შევაგროვეთ საბუთები, რომელთა ნაწილი, ჩვენდა გასაკვირად, გადასახდელი აღმოჩნდა და გადავეცი შესაბამის განყოფილებას. სახელმწიფოსგან სასტუმროებში შესახლების მოლოდინის გარეშე (თითქმის ყველა მცირეწლოვან ბავშვებთან ერთად, არ შეგვეძლო ლოდინი და ღამის გათევა ქუჩაში), ზოგიერთმა ჩვენგანმა ვიქირავეთ ბინები კერძო მესაკუთრეებისგან, ვიხდით ქირას, თუმცა. დიდი გაჭირვებით, მაგრამ ჩვენ არ ვტვირთავთ საქართველოს ჩვენი ცხოვრების ხარჯებით.
თუმცა უკვე მესამე თვეა ველოდებით დაპირებულ ფულად დახმარებას, მაგრამ ამაოდ. დაგვიანების მიზეზების გარკვევისას (სად, რომელ განყოფილებაში) გვითხრეს, რომ ეს მხოლოდ სასტუმროებში მცხოვრებს ეძლევა და არა ნაქირავებ ბინებში (უნდა ვაღიაროთ, რომ აქ არ არის ლოგიკა).
მოგვიანებით გაირკვა, რომ ეს შემწეობა, გაცხადებულის საწინააღმდეგოდ, არც სასტუმროში მცხოვრებებს მიუღიათ. მოგმართავთ ბატონ პრემიერ-მინისტრს და ყველას, ვისაც ეს კითხვა ეხება. ჩვენ მადლობელი ვართ იმისთვის, რაც გააკეთეთ ჩვენთვის, მადლობელი ვართ ქართველი ხალხის, მაგრამ გთხოვთ განიხილოთ შეღავათების საკითხი, თქვენ თვითონ გესმით, რომ ჩვენს მდგომარეობაში, ჩვენი შვილებისთვის ეს სასიცოცხლო მნიშვნელობის საკითხია..
წინასწარ გიხდით მადლობას თანაგრძნობისა და დახმარებისთვის”,_ წერია პრემიერ-მინისტრისთვის უკრაინელების მიერ გაგზავნილ წერილში.
საჯარო ხდება პასუხიც, რომელიც მათ საქართველოს მთავრობისგან მიიღეს.
“საქართველოს ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტრო.
სსიპ დევნილთა, ეკომიგრანტთა და საარსებო წყაროებით უზრუნველყოფის სამმართველო
თქვენი, მიმდინარე წლის 26 სექტემბრის წერილის პასუხად გაცნობებთ, რომ საქართველოს მთავრობა „უკრაინაში მიმდინარე საომარი მოქმედებების გამო საქართველოში შემოსული უკრაინის მოქალაქეთა და უკრაინაში მუდმივი ცხოვრების უფლების მქონე პირთათვის სოციალურ-ეკონომიკური მხარდაჭერის ღონისძიებების შესახებ საქართველოს მთავრობის 2022 წლის13 ივლისის N1254 განკარგულების, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრისMOH 6 22 00000084 და სსიპ- დევნილთა, ეკომიგრანტთა და საარსებო წყაროებით უზრუნველყოფის სააგენტოს N IDP 6 22 00000694 ბრძანებების საფუძველზე, ახორიელებს ფინანსურ დახმარებას იმ პირების მიმართ, ვინც აკმაყოფილებს განკარგულებისა და ამ განკარგულების საფუძველზე გამოცემულ მინისტრის ბრძანებით განსაზღვრულ კრიტერიუმებს: „ ა) პირი საქართველოში შემოსულია ან შემოვა 2022 წლის1 თებერვლიდან 2022 წლის 15 ივლისამდე და2022 წლის 24 თებერვლის შემდგომ უკრაინაში მიმდლინარე საომარი მოქმედებების გამო ვერ ახერხებს მოქალაქეობის ქვეყანაში და/ან მუდმივ საცხოვრებელ ადგილზე დაბრუნებას, ამასთან, განთავსებულია სხვადასხვა საჯარო დაწესებულებების მიერ დაფინანსებულ სასტუმროებში და მოითხოვს სახელმწიფოსგან ამ განკარგულებით გათვალისწინებულ დახმარებას და მათი იდენტიფიცირება განხორციელდა 1-ელ აგვისტომდე;
ბ) პირი საქართველოში შემოვა 2022 წლის 15 ივლისის შემდგომ უკრაინაში საომარი მოქმედებების არსებობის შემთხვევაში და ამ მიზეზით ვერ ახერხებს მოქალაქეობის ქვეყანაში და/ან მუდმივ საცხოვრებელ ადგილზე დაბრუნებას და მოითხოვს სახელმწიფოსგან ამ განკარგულებით გათვალისწინებულ დახმარებას“. და აგრეთვე, თუ მათ საკუთრებაში აქვთ უძრავი/მოძრავი (სატრანსპორტო საშუალება) ქონება, რომელიც6 000 ლარს არ აღემატება ან ჯამურად ნაღდი ფულის სახით დეკლარირებული 6 000 ლარზე ნაკლები ოდენობის თანხა. სოციალურ-ეკონომიკური მხარდაჭერა არ ვრცელდება 18-დან60 წლის ჩათვლით მამრობითი სქესის პირებზე.
განკარგულებით განსაზღვრული პირები, რომლებიც დააკმაყოფილებენ კრიტერიუმებს, საცხოვრებელი პირობების შექმნისთვის ერთჯერადად, 3 თვის ვადით მიიღებენ დაფინანსებას ოჯახზე (მათ მიერ განსაზღვრული პირთა წრე) თვეში 300 ლარის ოდენობით, ხოლო საარსებო პირობების უზრუნველსაყოფად, პირზე 45 ლარის ოდენობით. დაფინანსების მისაღებად, დაინტერესებულმა პირმა
უნდა შეავსოს განაცხადი სსიპ სოციალური მომსახურების სააგენტოს სერვის ცენტრებში ან გამოგზავნოს სსიპ დევნილთა, ეკომიგრანტთა და საარსებო წყაროებით უზრუნველყოფის სააგენტოს ელექტრონულ ფოსტაზე supportukraine@idp.gov.ge . განაცხადში მიეთითება ოჯახის ყველა წევრი, თანხის ჩარიცხვა ხორციელდება მათივე თანხმობით განსაზღვრულ ოჯახის ერთი წევრის ანგარიშზე.
საარსებო პირობების უზრუნველსაყოფად გათვალისწინებული 45 ლარი, მომდევნო თვიდან, არ გაიცემა პირზე, რომელმაც ყოველთვიური შემწეობის – 45 ლარის მიღების უფლება მოიპოვა ,,საერთაშორისო დაცვის შესახებ“ საქართველოს კანონის შესაბამისად და/ან დატოვა საქართველოს ტერიტორია, ხოლო საცხოვრებელი პირობების შექმნისთვის გათვალისწინებული 300 ლარის დაფინანსება შეუწყდება ოჯახს, თუ მისი ყველა წევრი დატოვებს საქართველოს ტერიტორიას.
რაც შეეხება წერილში ჩამოთვლილ კონკრეტულ უკრაინის მოქალაქეების დახმარების საკითხს, გაცნობებთ, რომ მათი გარკვეული ნაწილი, განსაზღვრული კრიტერიუმების შესაბამისად, უკვე არის სოციალურ-ეკონომიკური მხარდაჭერის მიმღებთა სიაში და ერიცხება ფინანსური დახმარება.
პატივისცემით,
ადმინისტრაციული დეპარტამენტის უფროსი
ნიკა გოგლიძე”.
