დღეს, 25 აგვისტოს, ოზურგეთში თხილის ფასი ისევ ძველებურად მერყევია და მატების არაფერი ეტყობა. ისევ ტეხენ, თუმცა ცალკეულ პუნქტებში გატეხვის გარეშეც იბარებენ, ოღონდ არის ერთი „სიახლე“ – გატეხილსაც და გაუტეხავსაც ერთი ფასი აქვს _ 1 კილოგრამი „გულშიშველა“ 3,50 ლარი ღირს, „ბერძნულა“_ 4 ლარი. ნაკლებად გამოჰყავთ თხილის ფასი ე.წ „ათცალიანი სისტემით“, როცა ერთი საღი გულის ფასს 40 თუ 50 თეთრს აფასებდნენ.
_ ქარხნებში თხილის ფასის კლების მიზეზად, გარდა ხარისხის გაუარესებისა, უცხო ქვეყნებში ნუშის მოსავლის შემოსვლას უკავშირებენ, თითქოს, თხილის ფასი ნუშთან კონკურენციის გამო დაეცა.
_რაო? საქართველოში თხილი თხილს ეჯიბრება, ხან „გულშიშველას“ ფასს დასწევენ, ხან „ბერძნულას“ ასწევენ. ახლა ორივე დასწიეს და ამბობენ, რომ უცხოეთში ნუშის შემოსვლის ბრალიაო. თხილს ნუში ეჯიბრება? ჰოო, ამ კონკურენციის შესახებ, ამ ხნის კაცი ვარ და არაფერი მსმენია. ბარე 40 წელი კი იქნება თხილს ვაბარებ და…. რაღაც ახალი თავსატეხია ჩვენთვის, გურულებისთვის, მარა არ გაგვიჭირდება ჩვენ მაგ რებუსის ამოხსნა. ესაა, პასუხის გამცემი მაინც არავინ იქნება და ამასობაში ეს თხილიც ჩაგვლევა ხელში _ – გვეუბნებიან ტხილის მიმღებ პუნქტებთან თხილის ჩასაბარებლად რიგში მდგომი უვენი მოქალაქეები.
„გურია ნიუსი“ დაინტერესდა და მიმღებ პუნქტებში, სადაც თხილს ტეხენ, კიდევ ერთხელ გამოკითხვა ჩავატარეთ. კერძოდ, რატომ ტეხს თხილს უმრავლესობა, როცა დილიდანვე არიან ისეთი მიმღები პუნქტებიც, სადაც პირდაპირ, თვალის გადავლების მიხედვით იბარებენ ყველანაირი ჯიშის თხილს.
_ვინ იბარებს? იმათ ბევრი ფული აქვთ, ეტყობა (??), _ გვითხრეს გაბრიელ ეისკოპოსის ქუჩაზე მდებარე პუნქტებში,_ თან კაია, ხომ სამლარნახევრად ოთხლარნახევრიანი თხილი?
_ანუ „ბევრფულიანს“ უხარისხო თხილი მიაქვს? თქვენ როცა ტეხთ, მეტს რატომ არ უხდით? მგონი, ფასი მაინც იგივეა
_რა ვქნათ, ვისაც მიაქვს ყველა ასე ითხოვს. უნდა გავტეხოთ, _ გვეუბნებიან აქ. თან ადასტურებენ, რომ ათი ცალი გატეხილი თხილიდან ათივე საღიც რომ იყოს, ხუთ ლარს მაინცარავინ არ გადაიხდის(??)
10-15 დღის წინ კი, ოზურგეთში იყო შემთხვევები, როცა ერთ კილოგრამ თხილში ხუთ ლარს იხდიდნენ.
