| ორგანიზაცია ქალები ქალებისთვის როგორც უკვე იცით ახორციელებს პროექტს – „ვიმოქმედოთ ერთად”. ამ პროექტის ფარგლებში, ჩოხატაურში მცხოვრებ ყველა განსაკუთრებული საჭიროების მქონე ბავშვსა და მოზარდს ეხლა უკვე აქვს შესაძლებლობა ადგილზე მიიღოს თბილისიდან მოწვეული სპეციალისტის, ქცევის თერაპევტის მომსახურება უფასოდ.
დაბა ურეკის რეაბილიტაციის ცენტრი “გვეთამაშე”- ს დამფუძნებელი თამარ მალაციძე ინდივიდუალურ შეხვედრებს გამართავს განსაკუთრებული საჭიროების მქობე პირებთან და მათ მშობლებთან. ადგილზე მოხდება მათი შეფასება, კონსულტაცია და მშობლების სწავლება, თუ როგორ უნდა იმუშაონ შვილებთნ სახლში. ყველა მსურველს შეგიძლიათ მიიღოთ აღნიშნული მომსახურება უფასოდ. ჩასაწერად გთხოვთ დაგვიკავშირდეთ: ელ-ფოსტა: qalebiqalebisatvis1994@gmail.com ვებ გვერდი: https://www.facebook.com/profile.php?id=100079858148244&mibextid=LQQJ4d ტელეფონი: 598 436 775 ვაგრძელებთ ჩვენს რუბრიკას და ამჯერად დაუნის სინდრომზე ვისაუბრებთ. დაუნის სინდრომი გონებრივი ჩამორჩენის ფორმაა, რომელიც შერწყმულია დამახასიათებელ გარეგნობასთან. მის საფუძველს წარმოადგენს ქრომოსომული აპარატის ანომალია, რომელიც ვლინდება ერთი ზედმეტი ქრომოსომის არსებობაში. დაუნის სინდრომის დამახასიათებელი ფიზიკური ნიშნებია: • სახის ბრტყელი პროფილი; • დეფორმირებული ყურები; • მოკლე ფართო ხელები; • მოკლე კისერი; • პატარა თავი; • კუნთების დაბალი ტონუსი დაუნის სინდრომის მქონე ბავშვების ინტელექტის განვითარების დონე როგორც წესი ჯანმრთელი ბავშვის განვითარების 6-8 წლის ასაკის შესაბამისად რჩება. თუმცა ისინი განსხვავდებიან ერთმანეთისგან ინტელექტუალური შესაძლებლობებით და როგორც წესი სწავლისას კარგ შედეგებს აღწევენ. დაუნის სინდრომის ბავშვების მნიშვნელოვან სირთულეებს წარმოადგენს: • ყურადღების პრობლემა – გაფანტულობა, კონცენტრაციის დეფიციტი; • მეტყველების განვითრების შეფერხება; • სხვადასხვა ხარისხის სმენის დარღვევები; • ქცევითი დარღვევები, ხშირად ისინი საკმაოდ ჯიუტები არიან; • დაბალი თვითშეფასება, რაც მათი ფიზიკური მონაცემებით არის გამოწვეული. დაუნის სინდრომის ბავშვებისთვის განათლების საუკეთესო ფორმას ინკლუზიური განათლება წარმოადგენს. ძალიან მნიშვნელოვანია მათთვის თანატოლების გარემოცვაში ყოფნა და სასკოლო პროცესებში ატქიური მონაწილეობა. აქ სწავლობს ბავშვი სოციალური ქცევების ნორმებს, სხვა ბავშვებთან ურთიერთობას, რას ასევე ხელს უწყობს მეტველების განვითარებასაც. ოჯახის წევრების ჩართულობის, ადრეული განვითარების პროგრამის დახმარებითა და საზოგადოებაში ინტეგრაციის მეშვეობით დაუნის სინდრომის მქონე ადამიანები საკუთარი შესაძლებლობების, ტემპის მიხედვით სწავლობენ და ვითარდებიან. დღეს დაუნის სინდრომის მქონე ადამიანებს შეუძლიათ დამოუკიდებელი ცხოვრების წარმართვა, სწავლა, მუშაობა, სპორტში და ხელოვნებაში წარმატების მიღწევა. ბევრი მათგანი ქმნის ოჯახს. მათ ინტეგრაციას საზოგადოებაში, თთოეული ჩვენგანის ცნობიერების ამაღლება მნიშვნელოვნად უწყობს ხელს. |
