„ჩვენ, ქვეყანაში ვაშენებთ პროფესიული განათლების ძალიან წარმატებულ მოდელს, კერძო კომპანიებთან ერთად ვახორციელებთ მის თანადაფინანსებას კერძო-საჯარო პარტნიორობის ინიციატივების ფარგლებში, რითაც ვპასუხობთ კერძო სექტორის გადაუდებელ საჭიროებებს და, ამავე დროს, ახალგაზრდებს და არა მხოლოდ – ყველას ვაძლევთ სწრაფი დასაქმების შესაძლებლობას, პროფესიული განათლების მიღების დასრულებისთანავე“, – ამის შესახებ საქართველოს პრემიერ-მინისტრმა გიორგი კვირიკაშვილმა დავოსის მსოფლიო ეკონომიკური ფორუმის ფარგლებში გამართულ დისკუსიაზე განაცხადა.
პოლიტოლოგი ვაჟა ბერიძე გიორგი კვირიკაშვილის განცხადებას გამოეხმაურა და ,,გურია ნიუსთან“ საუბრისას აღნიშნა, რომ განათლების სისტემა შრომით ბაზართან აცდენილია. მისი განცხადებით, ახალგაზრდებში პროფესიული განათლებით დასაქმებულთა მაჩვენებლი საკამოდ მცირეა, ამიტომ პრემიერ-მინისტრის განცხადება სიმართლეს არ შეესაბამება.
,,ბუნებრივია, განათლების დონე და დასაქმება არის სერიოზული სისტემური პრობლემის ნაწილი. განათლება მიბმულია ეკონომიკურ ზრდაზე და ეკონომიკის განვითარებაზე, რაც სასურველია, საქართველოში მაღალი ტემპით მიმდინარეობდეს. განსაკუთრებით განათლების ხარისხი უკეთესი უნდა იყოს. პრემიერ-მინისტრის ნათქვამი, რბილად რომ ვთქვათ, სიმართლეს არ შეესაბამება, რადგან ახალგაზრდებში გასაკუთრებით მაღალია უმუშევრობა. საგანგაშო მაჩვენებელს შეადგენს პროფესიული განათლების მიხედვით დასაქმებულთა რაოდენობა. განათლებასა და დასაქმებას შორის კავშირი რომ ეფუძვნებოდეს გონივრულ პოლიტიკას არ ეფუძნება და რას აკეთებს მთავრობა იმისთვის, რომ უნივერსიტეტები გაძლიერდეს საინტერესოა“ ,- განაცხადა ვაჟა ბერიძემ.
საქართველოს პარლამენტის განათლებისა და მეცნიერების კომიტეტის წევრის სიმონ ნოზაძის განცახდებით, განათლების სისტემაში არსებული პრობელემის დაძლევას ახალი მინისტრი წარმატებით გაართმევს თავს.
,,განათლების მინისტრი თვენახევარაია, რაც მოვიდა. მას აქვს ძალიან ამბიციური გეგმები. მის გამოსვლებს რომ ვუსმენთ, მექმნება ისეთი შთაბეჭდილება, რომ უნდა გაუმჯობესდეს განათლების სისტემა. ფაქტია, რომ ენერგული განათლების მინისტრი გვყავს და მისი ანგარიში ძალიან მომეწონა. ნელ-ნელა გაუარესდა სწავლების ხარისხი, გაუარესდა იმ სახელმძღვანეოებითა და პროგრამებით, რომელიც არსებობს. სწავლების ხარისხი, მასწავლებელების მომზადების ხარისხი უნდა გაუმჯობესდეს. ახალ სახელმძღვანელოებზე მიმდინარეობს მუშაობა, რასაც დრო სჭირდება“ – განაცხადა სიმონ ნოზაძემ.
