რამდენიმე წუთის წინ, ბელგრადში დამთავრდა კალათბურთში ევროპის ჩემპიონატის შესარჩევი მატჩი სერბეთისა და საქართველოს ნაკრებ გუნდებს შორის.
შეხვედრა მეტად საინტერესო და დაძაბული გამოდგა _ მიუხედავად იმისა, რომ საქართველოს ნაკრებს რამდენიმე წამყვანი მოთამაშე აკლდა, ჩვენებმა მაინც მოახერხეს გამარჯვების მოპოვება _ 94:90.
შეგახსენებთ, რომ საქართველო 2021 წლის ევრობასკეტის ერთ-ერთი მასპინძელი ქვეყანაა, რის გამოც ჩვენს ნაკრებს ამ ტურნირის ფინალურ ეტაპზე ადგილი გარანტირებული აქვს და ეს შესარჩევი ციკლი სიმბოლურ ხასიათს ატარებს. თუმცა, ევროპის ერთ-ერთ საუკეთესო გუნდს საქართველოს ნაკრებმა უკომპრომისო ბრძოლა გაუმართა და გულშემატკივარს დასამახსოვრებელი თამაში აჩუქა.
სერბეთისა და შვეიცარიის ნაკრებების გარდა, ჩვენს შესარჩევ ქვეჯგუფში ფინეთის ეროვნული გუნდიც ასპარეზობს.
სიტყვები ზედმეტია _ ფოტორეპორტაჟი ბელგრადიდან
