დიპლომატების ღია წერილი – მელიას გათავისუფლებით მთავრობამ პირველი ნაბიჯი უნდა გადადგას კრიზისის განსამუხტად

„ღრმად გვაღელვებს საქართველოში ბოლო დროს განვითარებული პოლიტიკური მოვლენები, მათ შორის, საქართველოს ხელისუფლების გადაწყვეტილება წამყვანი ოპოზიციური პარტიის შტაბ-ბინაში შეჭრასა და მისი ლიდერის დაპატიმრების შესახებ“, – ამის შესახებ აღნიშნულია ღია წერილში სათაურით : „საქართველოს მეგობრების ღია წერილი მიმდინარე პოლიტიკურ კრიზისთან დაკავშირებით.“

საქართველოს მეგობრები, ღია წერილში საქართველოს მთავრობას მოუწოდებენ, რომ გაათავისუფლოს “ერთიანი ნაციონალური მოძრაობის” თავმჯდომარე, ნიკა მელია და ამით პირველი ნაბიჯი გადადგას პოლიტიკური კრიზისის განსამუხტად.

წერილში ნათქვამია, რომ დიპლომატები თავს საქართველოს მეგობრებად მიიჩნევენ, რომლებიც ქვეყნის ისტორიიდან გამომდინარე, აღფრთოვანებული იყვნენ მათი მტკიცე გადაწყვეტილებით, შეენარჩუნებინათ დამოუკიდებლობა და ტერიტორიული მთლიანობა, ასევე ქართველი ხალხის ერთგულებით დემოკრატიული ღირებულებებისადმი.

,, ჩვენ, ქვემოთ ხელმომწერები, თავს საქართველოს მეგობრებად ვთვლით, რომლებიც დიდი ხნის განმავლობაში აღფრთოვანებული ვიყავით ქართველი ხალხის გამძლეობით საქართველოს ისტორიში არსებული პრობლემების წინაშე, საქართველოს დამოუკიდებლობისა და ტერიტორიული მთლიანობის შენარჩუნების მტკიცე გადაწყვეტილების და მათი დემოკრატიული ღირებულებების ერთგულებით. ჩვენ მხარს ვუჭერთ საქართველოს მისწრაფებებს და პოზიტიურ ნაბიჯებს ევროატლანტიკური და ევროინტეგრაციისთვის და მტკიცედ ვუჭერთ მხარს ჩვენს ორგანიზაციებს ან მთავრობებს ამ მიზნით  პრაქტიკული და პოლიტიკური მხარდაჭერისთვის. ჩვენ ასევე არ ვერიდებოდით კონსტრუქციული კრიტიკის შეთავაზებას, როდესაც მოგვიწოდებდნენ. ამიტომ ღრმად შეშფოთებულები ვართ, საქართველოში ბოლო დროინდელი პოლიტიკური მოვლენებით, მათ შორის მთავრობის გადაწყვეტილებით,  შტურმით აეღოთ მთავარი ოპოზიციური პარტიის ოფისი და დაეკავებინათ მისი ლიდერი.

მელიას პატიმრობიდან გაუთავისუფლებლობა შეუძლებელს გახდის გასული წლის არჩევნებზე არსებული ჩიხის მოგვარებას, რამაც გამოიწვია ოპოზიციის მიერ პარლამენტის ბოიკოტი. ერთპარტიული პარლამენტი არ არის ჯანსაღი დემოკრატიის ნიშანი.  ეს მოვლენები არამარტო აჩერებს პროგრესს უსაფრთხოების, ეკონომიკისა და გლობალური პანდემიის დროს ჯანმრთელობის პრობლემების მოგვარებაში, არამედ ისინი ასევე აზიანებენ საერთაშორისო იმიჯს და საქართველოს რეპუტაციას, როგორც სტაბილური პარტნიორისას რეგიონში და ევროატლანტიკური ღირებულებების ერთგულისას. მხოლოდ მოსკოვში არ არიან კმაყოფილი საქართველოს მიღწევებით.

ჩვენ იმ ქვეყნებიდან მოვდივართ, რომელთა დემოკრატიას ასევე ექმნება მაღალი პოლიტიკური დაძაბულობისა და პოლარიზაციის მომენტები, როდესაც ჩვენი ინსტიტუტები შემოწმებულია და ჩვენი მოქმედებები არ შეესაბამება ჩვენს იდეალებს. მაგრამ ჩვენმა ინსტიტუტებმა თავისუფალი და სამართლიანი არჩევნების წყალობით მიიღეს დამოუკიდებელი სასამართლო სისტემა, ძლიერი სამოქალაქო სექტორი და მედიის თავისუფლება. ჩვენ, ყველას გვესმის, რომ საქართველოში დემოკრატიის მშენებლობა მიმდინარეობს, მაგრამ ეს პროცესი არ შეიძლება შეიცავდეს პოლიტიკური ოპონენტების დაკავების ფაქტებს. არჩეულმა მთავრობებმა უნდა შეასრულონ საკუთარი ამომრჩევლის მისწრაფებები და საკუთარი დრო და ყურადღება უნდა დაუთმონ იმ პოლიტიკას, რომლებსაც ისინი მხარს უჭერდნენ წინასაარჩევნო პერიოდში.

არჩეულ ოპოზიციონერ პოლიტიკოსებს უფლება აქვთ სამართლიანად და ღიად განაცხადონ საკუთარი პრეტენზიები საარჩევნო დარღვევების შესახებ. ჩვენ ასევე მოვუწოდებთ მათ, რომ გამოიყენონ ევროკავშირისა და სხვა პოტენციური მედიატორების მიერ მინიჭებული ყველა შესაძლებლობა საქართველოს მთავრობასთან კეთილსინდისიერი მოლაპარაკებების გასამართად, რაც საქართველოს დემოკრატიის გაძლიერებას შეუწყობს ხელს.

მშვიდობიანი გზებითა და ლეგალური არხების გამოყენებით, კამათის გადაწყვეტით, საკუთარი ქვეყნის წინსვლას ყველა მხარემ უნდა შეუწყოს ხელი.

მათი საერთო მიზანი მრავალპარტიული პარლამენტი უნდა იყოს, რომელიც ყველა ამომრჩევლის სურვილს ასახავს და შესაბამისად, ქართველი ხალხის მხრიდან სრული ნდობით სარგებლობს.

საქართველომ დემოკრატიის წინა ტესტებს გაუძლო. წარსულში არსებულ კრიტიკულ მომენტებში, მისმა ლიდერებმა უკან დაიხიეს და არ გადადგეს უკიდურესი ნაბიჯები. საქართველო ამჟამად არის კიდევ ერთ მნიშვნელოვან მომენტში, რასაც ზოგიერთი აღწერს, როგორც „ეგზისტენციალურს“.  მთავრობამ, როგორც ხელმძღვანელმა ძალამ, ოპოზიციის ლიდერის გათავისუფლებით პირველი ნაბიჯი უნდა გადადგას. ეს ხელს შეუწყობს ევროკავშირის შუამავლობის ძალისხმევას, რომლის მიზანიც კომპრომისის მიღწევაა, რასაც ჩვენ მტკიცედ ვუჭერთ მხარს. უახლესი მოვლენები სიტუაციას კიდევ უფრო სასწრაფოს ხდის. დრო არსებითად მნიშვნელოვანია!

მოვუწოდებთ  საქართველოს მთავრობასა და ოპოზიციის ლიდერებს, არ გაფლანგონ ეს კეთილგანწყობა და გამოავლინონ თავიანთი ერთგულება დემოკრატიის, დიალოგისა და ადამიანის უფლებების პატივისცემისადმი“ – აღნიშნულია წერილში.

განცხადებას ხელს აწერენ:

იან ბონდი, ევროპული რეფორმების ცენტრი

მეთიუ ბრაიზა, ყოფილი სახელმწიფო მდივნის თანაშემწის მოადგილე ევროპისა და ევრაზიის საკითხებში

კერი კავანაუ, კენტუკის უნივერსიტეტი

ლუკ კოფი, მემკვიდრეობის ფონდი

სვანტე კორნელი, ცენტრალური აზია-კავკასიის ინსტიტუტი, ამერიკის საგარეო პოლიტიკის საბჭო

უილიამ კორტნი, აშშ-ს ყოფილი ელჩი საქართველოში

ლარი დაიმონდი, სტენფორდის უნივერსიტეტი

პიერ ეკლუნდი, ევროკავშირის ყოფილი ელჩი საქართველოში

ფრენსის ფუკუიამა, სტენფორდის უნივერსიტეტი

ალექსანდრა ჰოლ ჰოლი, გაერთიანებული სამეფოს ყოფილი ელჩი საქართველოში

გენერალ-ლეიტენანტი ბენ ჰოჯესი

გლენ ჰოვარდი, ჯეიმსთაუნის ფონდი

ტომას ჰენდრიკ ილვესი, ესტონეთის ყოფილი პრეზიდენტი

ჯონათან კაცი, გერმანიის მარშალის ფონდი აშშ

იან კელი, ჩრდილო-დასავლეთის უნივერსიტეტი; აშშ-ს ყოფილი ელჩი საქართველოში

დევიდ ჯ. კრამერი, ფლორიდის საერთაშორისო უნივერსიტეტი; სახელმწიფო მდივნის ყოფილი თანაშემწე დემოკრატიის, ადამიანის უფლებებისა და შრომის საკითხებში

მაიკლ მაკფოლი, სტენფორდის უნივერსიტეტი

თომას მელია, PEN America; USAID- ის ყოფილი ასისტენტის ასისტენტი ევროპასა და ევრაზიაში რიჩარდ მაილსი, აშშ-ს ყოფილი ელჩი საქართველოში

ლორა თორნტონი, დემოკრატიისა და საარჩევნო დახმარების საერთაშორისო ინსტიტუტი; ყოფილი დირექტორი, NDI Georgia

რენდი შონემანი, ჰალიფაქსის საერთაშორისო უსაფრთხოების ფორუმი

კურტ ვოლკერი, ნატოში აშშ-ს ყოფილი ელჩი

კენეტ იალოვიცი, აშშ-ს ყოფილი ელჩი საქართველოში.