ერმაკი და შეფირი სამი დღეა, ცდილობენ უკრაინის რადას ფრაქცია „სლუგა ნაროდას“ დეპუტატების დაყოლიებას, ხმა მისცენ მიხეილ სააკაშვილის ვიცე-პრემიერად დანიშვნას _ პირდებიან მათ თანამდებობებს, უგზავნიან მესიჯებს.
პრეზიდენტი და პრემიერი დუმილს ინარჩუნებენ, პარლამენტის თავმჯდომარე სააკაშვილის დანიშვნის წინაააღმდეგია. ხმები საკმარისი არ არის _ ფრაქცია ზელენსკის გადაწყვეტილებას ელოდება.
24 აპრილს ფრაქციამ _ „სლუგა ნაროდა“ ვიცე-პრემიერის პოსტზე სააკაშვილის კანდიდატურა ჩააგდო. საქართველოს ყოფილმა პრეზიდენტმა დეპუტატების დარწმუნება ვერ შეძლო _ ფრაქციის 248 წევრიდან სააკაშვილს 100-ზე ნაკლებმა დაუჭირა მხარი. ამის შემდეგ, ზელენკის ოფისმა დაიწყო სააკაშვილის სასარგებლოდ ხმების მობილიზების ოპერაცია.
დღეს, 14 საათისთვის, ზელენსკის ოფისის ხელმძღვანელმა ერმაკმა მოახერხა კიდევ რამდენიმე დეპუტატის დაყოლიება, თუმცა, ამ საქმეში მნიშვნელოვანი პროგრესის მიღწევა ვერ შეძლო.
პრეზიდენტი ზელენსკი პირდება სააკაშვილს, რომ საკითხი დადებითად გადაწყდება, თუმცა, ცდილობს, საქმე ისე წარმოაჩინოს, თითქოს თავად დეპუტატები არიან წინააღმდეგნი.
პარადოქსია, რომ ზელენსკის არ სურს, მისი სახელი უკავშირდებოდეს სააკაშვილის დანიშვნას და ეს მისი ნება არ არის.
საქმე იმაშია, რომ სააკაშვილის დანიშვნის წინააღმდეგ ზელენსკის გუნდის ბევრი წევრია, სააკაშვილის ვიცე-პრემიერობას არ ეთანხმებიან პრემიერ-მინისტრი დენის შმიგალი და პარლამენტის თავმჯდომარე დმიტრი რაზუმკოვი. ამ უკანასკნელთან სააკაშვილმა კვირას გამართა შეხვედრა, თუმცა, მისი დაყოლიება ვერ შეძლო.
სააკაშვილს მხარს არც შინაგან საქმეთ მინისტრი არსენ ავაქოვი არ უჭერს.
„სლუგა ნაროდას“ ბევრი წევრი შიშობს, რომ სააკაშვილის დანიშვნით ხელისუფლებაში ძალთა ბალანსი შეიცვლება.
იკვეთება, რომ სააკაშვილის ასეთი საიდუმლო ლობირებით პრეზიდენტი სულაც არ ფიქრობს რეფორმების გატარებაზე _ რეფორმებისთვის ასე აუცილებელია კულუარული მეთოდები?
ან რატომ უჭერენ მხარს სააკაშვილის დანიშვნას ასე თავგამოდებით პრეზიდენტის ოფისი ხელმძღვანელი ანდრეი ერმაკი და პრეზიდენტის თანაშემწე სერგეი შეფირი?
ეს ერმაკისთვის დიდი გამოწვევაა _ თუ ის და შეფირი ზელენსკის გარეშე შეძლებენ საკმარისი ხმების მოგროვებას, მაშინ ისინი დამოუკიდებლად სხვა საკითხებსაც იოლად გადაწყვეტენ, ადვილად მოახერხებენ ძალების მობილიზებას და, სააკაშვილთან ერთად, შეძლებენ მათთვის ხელსაყრელი ახალი მთავრობის შექმნას.
იური ბუტუსოვი
სააკაშვილი, ერმაკი, ვარშალომიძე _
ვინ ლობირებს უკრაინაში საქართველოს ყოფილ პრეზიდენტს
