ნარკოპოლიტიკის გლობალური კომისიის რეკომენდაციების მიხედვით, ქვეყნებმა ბაზარზე არსებული ნარკოტიკული ნივთიერებების რეგულირება უნდა დაიწყონ. გარდა ამისა, კომისია მოუწოდებს ქვეყნებს გადახედონ საერთაშორისო ხელშეკრულებებს, რომელმაც „რეპრესიული“ სტრატეგია შექმნა და რის გამოც, ნარკოტიკების მომხმარებლები, ასევე დაბალი დონის დილერები სასჯელს იხდიან, მაგრამ ეს გაფრთხილება ჯერ კიდევ შორს არის გლობალური კონსესუსისგან. აღნიშნულ ინფორმაციას EURONEWS ანგარიშზე დაყრდნობით ავრცელებს.
როგორც ცნობილია, 2011 წელს ყოფილი მსოფლიო ლიდერებისგან შემდგარმა 12 კაციანმა ჯგუფმა ნარკოპოლიტიკის რეფორმირებაზე დაიწყო მუშაობა, რის შემდეგაც, ქვეყნების უმეტესმა ნაწილმა სამედიცინო მარიხუანათი ვაჭრობა დაიწყეს და ნარკოტიკული ნივთიერებების არალეგალური გზით გავრცელებაზე კონტროლის დამყარება სცადეს.
როგორც ახალი ზელანდიის ყოფილი პრემიერ-მინისტრი, ჰელენ კლარკი აცხადებს:_ „საერთაშორისო ნარკოტიკების კონტროლის სისტემა ჩავარდა. სხვადასხვა ქვეყნების მოქალაქეების ჯანმრთელობა არ არის მოწინავე მიდგომა ნარკოტიკების საკონტროლებლად“.
კომისიის მოხსენების მიხედვით, მექსიკაში მკვლელობების რეკორდული მაჩვენებელი ფიქსირდება.
როგორც ცნობილია, კრიმინალურ დაჯგუფებებს ჰეროინი, კოკაინი და მარიხუანა მექსიკიდან ამერიკის შეერთებულ შტატებში გადააქვთ.
მაუწყებლის ინფორმაციით, 10 წლის წინ, ქვეყნის ხელისუფლებამ ნარკოდანაშაულებრივ ჯგუფებთან საბრძოლველად სამხედრო დანაყოფები ჩართო.
მიუხედავად იმისა, რომ ნარკოდანაშაულებრივი სამყაროს ბევრი წევრი დააკავეს ან მოკლეს, ბანდების რიცხვი მექსიკაში მაინც გაიზარდა.
მექსიკაში განვითარებული მოვლენები ცხადყოფს, რომ ნარკოტიკებით მოვაჭრეების დაკავებას პატარა გავლენა აქვს მიწოდებისთვის ხელშეშლაზე.
როგორც მექსიკის ახლადარჩეული პრეზიდენტი, ანდრეს მანუელ ლოპეს ობრადორი აცხადებს, ქვეყანა ნარკოტიკებით მოვაჭრეთა და ფერმერების ამნისტიის შესახებ მსჯელობს. გარდა ამისა, მარიხუანასა და ოპიუმის სამართლებრივი ბაზარს ინხილავენ.
როგორც ცნობილია, კანადა მარიხუანას რეკრეაციული მიზნით მოხმარებას 17 ოქტომბერს დააკანონებს.
„ამჟამინდელი ნარკოპოლიტიკა არც მოთხოვნას და არც არაკანონიერ მიწოდებას ამცირებს, ორგანიზებული დანაშაულის ზრდა კი სამწუხარო რეალობაა“,_ამბობს შვეიცარიის ყოფილი პრეზიდენტი და კომისიის თავმჯდომარე, რუთ დრეიფუსი.
