ევროკავშირმა ამ დროისთვის გაყინა 13,8 მილიარდი ევროს (13,83 მილიარდი დოლარი) ღირებულების აქტივები, რომლებსაც ფლობდნენ რუსი ოლიგარქები, სხვა ფიზიკური პირები და სუბიექტები, რომლებიც სანქციებულია მოსკოვის უკრაინის წინააღმდეგ ომის გამო, – ამის შესახებ ევროკავშირის იუსტიციის კომისარმა, დიდიერ რეინდერსმა განაცხადა.
მისი თქმით, ქონების უმეტესობის ჩამორთმევა ევროკავშირის 27 წევრი ქვეყნიდან მხოლოდ 5 ქვეყანაში მოხდა და მოუწოდებს დარჩენილ სახელმწიფოებს გააქტიურებისკენ. ბლოკს ამჟამად ჰყავს 98 კომპანია და თითქმის 1160 ფიზიკური პირი, რომლებიც შავ სიაშია შეყვანილი უკრაინაში რუსეთის ომისთვის.
“არსებულ მომენტში, ჩვენ გავყინეთ ოლიგარქებისა და სხვა წყაროების დაფინანსება, რომლის ღირებულებაც 13.8 მილიარდი ევროა. ეს საკმაოდ დიდი თანხაა. მაგრამ საკმაოდ დიდი ნაწილი, 12 მილიარდის გაყინვა 5 წევრი სახელმწიფოს მიერ მოხდა, ამიტომაც, ჩვენ უნდა გავაგრძელოთ სხვების დარწმუნება, რომ იგივე გააკეთონ“, – განუცხადა რეინდერსმა ჟურნალისტებს ჩეხეთის დედაქალაქ პრაღაში ეროვნული იუსტიციის მინისტრების შეხვედრაზე მისვლისას.
მან თქვა, რომ ზაფხულის შემდეგ ელოდება საბოლოო პოლიტიკურ შეთანხმებას ახალ სამართლებრივ ინსტრუმენტზე, რათა სანქციების დარღვევა ან გვერდის ავლით მცდელობა სისხლის სამართლის დანაშაულად აქციოს მთელ ევროკავშირში, რაც ამჟამად ასე არ არის.
მისივე თქმით, პოლიტიკა, რომელიც მიზნად ისახავს შეზღუდვების გვერდის ავლით შეზღუდვას ოჯახის წევრებისთვის აქტივების გადაცემით, რომლებიც სანქცირებული არ იყვნენ, შეიძლება ძალაში შევიდეს შემოდგომიდან.
”თუ ეს ასეა, ფული დაუბრუნდება უკრაინელი ხალხის ფონდს, რათა დაუბრუნონ ფული უკრაინელ ხალხს აქტივების კონფისკაციის შემდეგ”, – თქვა მან.
Reuter წერს, რომ რეინდერსმა და მინისტრებმა, განიხილეს თანამშრომლობა Eurojust-თან, ბლოკის სისხლის სამართლის სააგენტოსთან, უკრაინაში სავარაუდო ომის დანაშაულების მტკიცებულებების შეგროვებაზე, რომელსაც რუსეთი ხმელეთიდან, ზღვიდან და ჰაერიდან დაესხა თავს თებერვალში.
მისი თქმით, Eurojust შეინახავს ყველა მტკიცებულებას და მჭიდროდ უნდა ითანამშრომლოს ბლოკის წევრ ქვეყნებთან, რომელთაგან 14-ს აქვს საკუთარი ეროვნული გამოძიებები აქვს ომს ეხება.
”ყველაზე მნიშვნელოვანი არის ის, რომ ძალიან კარგი კოორდინაცია, არ მოხდეს სხვადასხვა სიტუაციების დუბლირება და ყველა მტკიცებულების შეგროვება ერთსა და იმავე ადგილას”, – თქვა რეინდერსმა.
ცნობისთვის, 19 აპრილის დადგომასთან ერთად, რუსეთის სამხედრო ძალებმა დონბასში, აღმოსავლეთ უკრაინაში ინტენსიური თავდასხმები წამოიწყეს და ომის ახალ ეტაპზე გადავიდნენ.
როგორც უკრაინის პრეზიდენტი, ვოლოდიმირ ზელენსკი ამბობს, დაწყებულია ომი დონბასისთვის.
როგორც რუსეთის შეიარაღებულ ძალებში ამბობენ, მათი მიზანია სრული კონტროლი მოიპოვონ დონბასსა და სამხრეთ უკრაინაზე, რათა ყირიმსა და მოლდოვის ოკუპირებულ ტერიტორიას, დნესტრისპირეთს სახმელეთო დერეფნით დაუკავშირდნენ.
ავტორი
