“ევროკავშირს და აშშ-ს საქართველოს განვითარებისათვის უდიდესი ინვესტიცია აქვს გაწეული”

ცივი ომის დასრულების შემდეგ ევროკავშირისა და აშშ-ს  მიერ აღმოსავლეთ ევროპასა და ყოფილ საბჭოთა რესპუბლიკებში დემოკრატიზაციისა და განვითარების ხელშეწყობა, ნაწილობრივ, პოლიტიკური პირობითობის საშუალებით ხორციელდება. ბოლო წლებში ეს პროცესი საკმაოდ კომპლექსური ხდება _ საერთაშორისო პოლიტიკური პროცესების გავლენის გამო, დასავლეთის ქვეყნების პოლიტიკისა და რეგიონული პროცესების ურთიერთმიმართება,  სულ უფრო არაერთგვაროვანი ხდება. აღნიშნულ პრობლემატიკასთან დაკავშირებით, სასტუმრო ,,ჰოლიდეონნში“ სოციალურ მეცნიერებათა ცენტრის ორგანიზებით, საერთაშორისო კონფერენცია ,,პოლიტიკური მექანიზმი აღმოსავლეთ ევროპასა და ევრაზიაში: აღქმა და პოლიტიკა“  გაიმართა.

ღონისძიების მონაწილეებმა, პოლიტიკის პირობითობის მექანიზმი, ევროპული და ევროატლანტიკური  ინტეგრაციის, რეგიონული  უსაფრთხოებისა და აღმოსავლეთ ევროპაში მიმდინარე  რთული პროცების  კონტექსტში განიხილეს.  კონფერენციაზე მოხსენებები, ევრაზიის დემოკარტიული  უსაფრთხოების  ქსელის წევრებმა წაიკითხეს.

სოციალურ მეცნიერებათა ცენტრის, პროექტის დირექტორის გიორგი ხელაშვილის განცხადებით,  მიმდინარეობს 25 წლის პირობითობის შედეგების პოლიტიკური განვითარების განვიხილვა და ის, უნდა  მოექცეს გარკვეულ თეორიულ ჩარჩოში

,,კონფერენცია ეხება პირობითობის პოლიტიკას რეგიონში. რომ განვმარტოთ პირობითობა, ეს არის დასავლეთის მხრიდან გარკვეული პირობები, რომლებსაც ადგილობრივი მთავრობები ასრულებდენ წლების განმავლობაში, რაც ხელს უწყობდა დემოკრატიზაციას, ეკონომიკურ განვითარებას და უსაფრთხოების გაძლიერებას. დღეს ვცდილობთ, რომ ბოლო 25 წლის  პირობითობის შედეგები ანუ პოლიტიკის განვითარება განვიხილოთ, მოვაქციოთ გარკვეულ თეორიულ ჩარჩოში და  შემდეგ გავიხედოთ მომავლისაკენ. როგორც იცით, ეხლა ევროპაში ვითარება არ არის ისეთი ერთგვაროვანი, როგორიც ადრე იყო, ის პირობები, რომელსაც ევროკავშირი უყენებდა, მაგალითად, როგორიც იყო, წევრობის დაპირება და ეს იყო პირობა, რის გამოც ძალიან ბევრი ქვეყანა ინდომებდა გამხადრიყო ევროკავშირის წევრი და პოზიტიურ დავალებას ასრულებდა. დღეს აღმოჩნდა, რომ გაქრა ეს  დაპირება და საინტერსოა, როგორ პასუხობენ ამას, აღმოსავლეთ ევროპის და პოსტ საბჭოთა სივრცის ქვეყნები, _ განაცხადა გიორგი ხელაშვილმა

აშშ-ს ელჩის იან კელის  თქმით, კონფერენცია კარგი შესაძლებლობაა, მოხდეს აზრთა გაცვლა და ფიქრი, თუ როგორ უნდა გახორციელდეს დახმარების პროგრამები.

,,ეს არის კარგი შესაძლებლობა, რომ  აზრთა გაცვლა და დისკუსია მოხდეს. მოგეხსენებათ, რომ ევროკავშირს და აშშ -ს საქართველოსა და მისი განვითარებისათვის უდიდესი ინვესტიცია აქვს გაწეული, კარგი შესაძლებლობაა მოხდეს აზრთა გაცვლა და ფიქრი იმაზე, თუ როგორ შეიძლება კიდევ უფრო,  უკეთ გახორციელდეს ჩვენი პროგრამები“, _ აღნიშნა  იან კელმა.