დღეს, 9 ნოემბერს, 18:00 საათზე, ევროპის მოედანზე (დარეჯანის სასახლესთან) ბერლინის კედლის ფრაგმენტი დაიდგმება, რომელიც, როგორც ქართულ-გერმანული მეგობრობის სიმბოლო, საქართველოს პრემიერ-მინისტრ გიორგი კვირიკაშვილს 2017 წლის 16 ივნისს, გერმანიის ფედერაციულ რესპუბლიკაში ოფიციალური ვიზიტისას, საჩუქრად გადაეცა.
ბერლინის კედლის ფრაგმენტის დადგმის ცერემონიას საქართველოს პრემიერ-მინისტრი გიორგი კვირიკაშვილი, მინისტრთა კაბინეტის წევრები, გერმანიის ფედერაციული რესპუბლიკის ელჩი საქართველოში, საქართველოს ელჩი გერმანიაში და სხვა ოფიციალური პირები დაესწრებიან.
