გურიის მედიატორთა ასოციაცია არის ერთგვარი ქოლგა ორგანიზაცია და აერთიანებს ოზურგეთის თემებში მოქმედ სათემო ცენტრებს. ასოციაცია შეიქმნა 2011 წელს რეგიონის, განსაკუთრებით კი, სოფლად მცხოვრები მოსახლეობის ცნობიერების ამაღლების, მათი უფლებების დაცვის, ეკონომიკური და სოციალური მდგომარეობის გაუმჯობესების მიზნით.
საქმიანობის სფეროებია: სოფლად მცხოვრები მოსახლეობის ინფორმირება, განათლების ხელშეწყობა, სოფლად მცხოვრები მოსახლეობის პრობლემების კვლევა და ადვოკატირება; სათემო ინიციატივების მხარდაჭერა; სოფლად მეწარმეობის განვითარების ხელშეწყობა; საჯარო და სამოქალაქო სექტორებს შორის თანამშრომლობის უზრუნველყოფა. გარემოს დაცვა.
გასულ, 2020 წელს გურიის მედიატორთა ასოციაციამ განახორციელა 4 პროექტი, რომლებიც მიმართული იყო COVID-19 –ის პანდემიით გამოწვეული სტრესული გარემოს დაძლევის, სოფლად მცხოვრები მოსახლეობის სამართლებრივი დახმარების, ეკონომიკური გაძლიერებისკენ. https://www.facebook.com/GuriisMediatortaAsotsiatsia/?ref=page_internal
- ჩატარდა 20–მდე ტრენინგ–სემინარი უსაფრთხოებაზე და ვირუსთან ბრძოლის გზებზე.
- მერიის, ნატანების, ჯუმათის და ბალისეთის თემებში მცხოვრებ 150 ოჯახს, მარტოხელა ხანდაზმულეს, შშმ პირებს, მრავალშვილიან ოჯახებს გადავეცით სურსათი და ჰიგიენის საშვალებები. (150 პაკეტი)
- იგივე თემებში 32 ხანდაზმულს და შშმ პირს გადავეცით მედიკამენტების ვაუჩერები. 9 მრავალშვილიან ოჯახს გადავეცით პლანშეტები 3 თვიანი ინტერნეტ პაკეტებით, 30 მრავალშვილიან ოჯახს გადავეცით საკანცელარიო ნივთები და წიგნები.
- მერიის და ჯუმათის თემებში მცხოვრებ, პანდემიით დაზარალებულ 4 ქალს დაუფინანსდა მცირე საოჯახო ბიზნესები ეკონომიკური გაძლიერების მიზნით. სამკერვალო, სალონი, თხილის გარჩევის სერვისი. ასევე სასოფლო სამეურნეო მცირე ტიპის ტექნიკის გაქირავების სერვისი.
- 120 ადამიანს გაეწია სამართლებრივი დახმარება. ლოქდაუნის პერიოდში წაროქმნილ სამართლებრივ პრობლემებზე.
- ინტერნეტზე და კომპიუტერებზე ხელმისაწვდომობის არქონის გამო სოფლად მცხოვრებ მოსახლეობას შეექმნა პრობლემები სამთავრობო, ანტიკრიზისული გეგმით გათვალისწინებული დახმარების მიღებასთან დაკავშირებით, ჩვენი მოხალისეების მეშვეობით მოცდა ამ ბენეფიციარების ტექნიკური დახმარება და 750 ადამიანს დავეხმარეთ კუთვნილი დახმარების მიღებაში.
- 50–მდე ქალმა მიიღო სოც. მუშაკის დახმარება ფსიქო სოციალური რეაბილიტაციის მიზნით. ბენეფიციარები იყვნენ, ძირითადად ქართველი ემიგრანტები ევროპაში და სპეციალური საჭიროების მქონე ბავშვების მშობლები.
დონორი: “ფონდი – საქართველოს სტრატეგიული კვლევებისა და განვითარების ცენტრი” (CSRDG)
(R)
