21 მარტს, ფეხბურთის ფედერაციაში საქართველოს დავით ყიფიანის სახელობის თასის პირველი და მეორე ეტაპის წილისყრა გაიმართა.
თავდაპირველად წილისყრაში მონაწილეობა 64 გუნდს უნდა მიეღო, მაგრამ თერჯოლის „საპოვნელა“ გათამაშებიდან მოიხსნა. საბოლოოდ საქართველოს თასის პირველი და მეორე ეტაპების წილისყრაში მონაწილეობა ეროვნული ლიგა 2-ის ოთხმა, ლიგა 3-ის ოცმა და რეგიონული ლიგის 39 გუნდმა მიიღო.
პირველი ეტაპის მატჩები 16, 17 და 18 აპრილს გაიმართება, მეორე ეტაპის შეხვედრები კი, 8-9 მაისს.
საქართველოს დავით ყიფიანის სახელობის თასის გათამაშება გასული სეზონის ანალოგიური ფორმატით გაიმართება და შემდეგ ეტაპზე გასული გუნდები ერთმატჩიან დაპირისპირებაში გამოვლინდებიან.
ოზურგეთის მერცხალის მეტოქე თასზე “საირმე” იქნება, ლანჩხუთის გურიას შევარდენი 1906 დაუპირისპირდება ხოლო ჩოხატაურის ბახმარო “საბურთალო 2 ” თან გაარკვევს შემდეგ ეტაპზე გამსვლელის ვინაობას.
